തിരുവനന്തപുരം: കോണ്ഗ്രസിന് വീണ്ടും തിരിച്ചടി; ഒരു കോണ്ഗ്രസ് നേതാവ് കൂടി ബിജെപിയിലേക്ക്. തങ്കമണി ദിവാകരനാണ് കോണ്ഗ്രസ് വിട്ട് ബിജെപിയില് ചേര്ന്നു. സംവിധായകന് ലെനിന് രാജേന്ദ്രന്റെ സഹോദരി കൂടിയാണ് തങ്കമണി ദിവാകരന്.
2011 ലെ നിയമസഭാ തെരഞ്ഞെടുപ്പില് ആറ്റിങ്ങല് മണ്ഡലത്തില് യുഡിഎഫ് സ്ഥാനാര്ത്ഥിയായി മത്സരിച്ചത് തങ്കമണി ദിവാകരനായിരുന്നു. എഐസിസി അംഗമായ തങ്കമണി മഹിളാ കോണ്ഗ്രസിന്റെ സംസ്ഥാന കമ്മിറ്റി അംഗമാണ്.
സ്ത്രീകള്ക്ക് വേണ്ടി കൂടുതല് പ്രവര്ത്തിക്കാനാണ് ആഗ്രഹിക്കുന്നതെന്ന് തങ്കമണി ദിവാകരന് പറഞ്ഞു. 27 വയസ് മുതല് താന് കോണ്ഗ്രസിന്റെ സജീവ പ്രവര്ത്തകയാണ്. എന്നാല് പാര്ട്ടിയില് നിന്ന് കടുത്ത അവഗണന നേരിട്ടു. സ്ത്രീകളെ ബഹുമാനിക്കുന്നതില് കോണ്ഗ്രസിന് വിമുഖതയുണ്ടെന്ന് അവര് വിമര്ശിച്ചു.
