കോവിഡ് പശ്ചാത്തലത്തിൽ സർട്ടിഫിക്കറ്റുകൾ വീട്ടിലെത്തിച്ച് കാവിലുംപാറ പഞ്ചായത്ത്
ഓൺലൈനായി ആവശ്യപ്പെടുന്ന സർട്ടിഫിക്കറ്റുകൾ വീടുകളിൽ എത്തിച്ചു നൽകി കാവിലുംപാറ ഗ്രാമപ്പഞ്ചായത്ത്. കോവിഡ് 19 മഹാമാരിക്ക് എതിരായ പ്രതിരോധ പ്രവർത്തനങ്ങളുടെ ഭാഗമായി നടപ്പിലാക്കുന്ന സാമൂഹിക അകലം ഉറപ്പാക്കുകയാണ് ഈ പദ്ധതിയിലൂടെ പഞ്ചായത്ത് ലക്ഷ്യമിടുന്നത്. ഫോൺ, ഇ മെയിൽ, വാട്സ്ആപ്പ് വഴി ആവശ്യപ്പെടുന്ന സർട്ടിഫിക്കറ്റുകൾ രണ്ടു ദിവസത്തിനകം വീടുകളിൽ നേരിട്ട് എത്തിച്ചുനൽകും. വിവിധ ആവശ്യങ്ങൾക്കായി പഞ്ചായത്ത് ഓഫീസിൽ വരുന്നവർക്കും ജീവനക്കാർക്കും തെർമൽ സ്കാനിംഗ് നിർബന്ധമാക്കിയിട്ടുണ്ടെങ്കിലും തിരക്ക് ഏറിയതോടെ സാമൂഹിക അകലം പാലിക്കാൻ സാധിക്കാത്ത സാഹചര്യത്തിലാണ് പഞ്ചായത്തിന്റെ പുതിയ സംവിധാനം. ഇത്തരത്തിൽ […]
