തൊടുപുഴയില് ഇരുമ്പു തോട്ടി ഇലക്ട്രിക് ലൈനില് തട്ടി ഷോക്കേറ്റ് യുവാവ് മരിച്ചു
തൊടുപുഴയ്ക്ക് സമീപം വഴിത്തല പീടികതടത്തില് ഇരുമ്പു തോട്ടി ഇലക്ട്രിക് ലൈനില് തട്ടി ഷോക്കേറ്റ് യുവാവ് മരിച്ചു. എബിന് വില്സണ് (23) ആണ് മരിച്ചത്. ഹര്ത്താല് ദിനമായിരുന്ന ഇന്നലെ വീട്ടിലെ പുരയിടത്തില് ജോലി ചെയ്യുന്നതിനിടെ ഇരുമ്പ് തോട്ടി ഇലക്ട്രിക് ലൈനില് തട്ടി ഷോക്കേല്ക്കുകയായിരുന്നു. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. തൊടുപുഴയിലെ സ്വകാര്യ സ്ഥാപനത്തില് ജോലി ചെയ്യുകയായിരുന്നു എബിന്. രണ്ടാഴ്ചയ്ക്കിടെ ഇത്തരത്തില് സംസ്ഥാനത്ത് റിപ്പോര്ട്ട് ചെയ്യുന്ന മൂന്നാമത്തെ സംഭവമാണിത്.