കൊച്ചി: കേരളത്തില്‍ ചാവേറാക്രമണം നടത്താന്‍ പദ്ധതിയിട്ടെന്ന കേസിലെ പ്രതി റിയാസ് അബൂബക്കറിന് 10 വര്‍ഷം കഠിന തടവ്. എറണാകുളം എന്‍.ഐ.എ കോടതിയുടേതാണ് വിധി. ചാവേറാക്രമണം നടത്താന്‍ സ്‌ഫോടക വസ്തുക്കള്‍ ശേഖരിക്കുന്നതിനിടയില്‍ 2019ലാണ് റിയാസ് പിടിയിലാകുന്നത്. കേരളത്തില്‍ നിന്ന് അഫ്ഗാനില്‍ പോയി ഐഎസില്‍ ചേര്‍ന്ന അബ്ദുല്‍ റാഷിദ് അബ്ദുല്ലയുടെ നിര്‍ദേശ പ്രകാരമാണ് റിയാസ് ചാവേറാക്രമണത്തിന് പദ്ധതിയിട്ടതെന്നാണ് എന്‍.ഐ.എ യുടെ കണ്ടെത്തല്‍.

മലപ്പുറം: മഞ്ചേരിയില്‍ പെണ്‍മക്കളെ പീഡിപ്പിച്ച പിതാവിന് 123 വര്‍ഷം തടവ്. 11 ഉം 12 ഉം വയസുള്ള സ്വന്തം മക്കളെ പീഡിപ്പിച്ച മഞ്ചേരി സ്വദേശിക്കാണ് മഞ്ചേരി ഫാസ്റ്റ്ട്രാക്ക് സ്പെഷ്യല്‍ കോടതി കടുത്ത ശിക്ഷ വിധിച്ചത്. 123 വര്‍ഷത്തെ തടവ് ഒന്നിച്ച് അനുഭവിക്കുമ്പോള്‍ 40 വര്‍ഷത്തെ തടവാണുണ്ടാകുക. ഇത് കൂടാതെ ഇയാള്‍ നഷ്ടപരിഹാരവും നല്‍കേണ്ടി വരും. 2022ലാണ് കേസിന് ആസ്പദമായ സംഭവം നടന്നത്. ഒന്നര വര്‍ഷത്തിനുള്ളിലാണ് കേസില്‍ വിധി വന്നത്.

കോഴിക്കോട്: പ്രിൻസിപ്പൽ ജില്ലാ ജഡ്ജിയായി സി പ്രദീപ്കുമാർ ചുമതലയേറ്റു. 1997 ൽ എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേട്ടായി ചുമതലയേറ്റ ശേഷം കൊല്ലം നെടുമങ്ങാട് എന്നിവിടങ്ങളിൽ മുൻസിഫായും വർക്കല, കൊല്ലം എന്നിവിടങ്ങളിൽ മജിസ്ട്രേട്ടായഉം എറണാകുളത്ത് സബ് ജഡ്ജായും പ്രവർത്തിച്ചു. തിരുവനന്തപുരം ജില്ലാ നിയമ സേവന അതോറിറ്റി സെക്രട്ടറി,ആലപ്പുഴ ഫാമിലി കോടതി ജഡ്ജ്, കൊട്ടാരക്കര എസ് സി എസ് ടി കോടതി സ്പെഷ്യൽ ജഡ്ജ്, തിരുവനന്തപുരം സെയിൽ ടാക്സ് അപ്പലറ്റ് ട്രിബ്യൂണൽ ജുഡീഷ്യൽ മെമ്പർ, എറണാകുളം അഡിഷണൽ ജില്ലാ […]