സാധ്യമായതെല്ലാം ചെയ്യും, അര്ജുന്റെ വീട് സന്ദര്ശിച്ച് മുഖ്യമന്ത്രി
കോഴിക്കോട്: കര്ണാടകയിലെ ഷിരൂരിലുണ്ടായ മണ്ണിടിച്ചിലില് കാണാതായ കോഴിക്കോട് സ്വദേശി അര്ജുന്റെ വീട് മുഖ്യമന്ത്രി പിണറായി വിജയന് സന്ദര്ശിച്ചു. ഇന്ന് ഉച്ചയ്ക്ക് 12:30-ഓടെയാണ് കോഴിക്കോട് കണ്ണാടിക്കലിലെ അര്ജുന്റെ വീട്ടില് മുഖ്യമന്ത്രി എത്തിയത്. പതിനഞ്ച് മിനിറ്റോളം വീട്ടില് ചിലവഴിച്ചാണ് അദ്ദേഹം മടങ്ങിയത്. മുഖ്യമന്ത്രിക്ക് കുടുംബം നിവേദനം നല്കി. സാധ്യമായതെല്ലാം ചെയ്യാമെന്ന് അര്ജുന്റെ കുടുംബത്തിന് ഉറപ്പുനല്കിയാണ് മുഖ്യമന്ത്രി മടങ്ങിയത്. മുഖ്യമന്ത്രി വന്നത് ആശ്വാസമായെന്ന് അര്ജുന്റെ കുടുംബം പ്രതികരിച്ചു.
