കേന്ദ്രസര്ക്കാര് സമയത്തിന് ജിഎസ്ടി നഷ്ടപരിഹാരത്തുക നല്കുന്നില്ലെന്ന സംസ്ഥാനത്തിന്റെ പരാതിയില് മറുപടിയുമായി ധനമന്ത്രി നിര്മലാ സീതാരാമന്. കേരളം കൃത്യസമയത്ത് രേഖകള് ഹാജരാക്കാറില്ലെന്ന് ധനമന്ത്രി പറഞ്ഞു.ജിഎസ്ടി നഷ്ടപരിഹാരമായി 5000 കോടിയോളം രൂപ ലഭിക്കാനുണ്ടെന്നാണ് സംസ്ഥാന സര്ക്കാര് പറയുന്നത്. ഇതിന്റെ വാസ്തവം എന്താണെന്ന് എൻ കെ പ്രേമചന്ദ്രന് എം പി ലോക്സഭയില് ചോദിച്ചിപ്പോഴായിരുന്നു ധനമന്ത്രിയുടെ വിശദീകരണം.കണക്കുകൾ ഹാജരാക്കിയാൽ നഷ്ടപരിഹാര കുടിശ്ശിക ഉടൻ നൽകും. കേന്ദ്രത്തെ കുറ്റപ്പെടുത്തരുത്. അടുത്ത മാസത്തെ നികുതി വിഹിതം കൂടി സംസ്ഥാനങ്ങൾക്ക് മുൻകൂറായി നൽകിയിട്ടുണ്ടെന്നും അതിൻ്റെ വിഹിതം കേരളത്തിനും കിട്ടുമെന്നും ധനമന്ത്രി പറഞ്ഞു. ഓഡിറ്റ് ചെയ്ത കണക്കുകള് നല്കുമ്പോഴാണ് സംസ്ഥാനങ്ങള്ക്ക് ജിഎസ്ടി നഷ്ടപരിഹാരം അനുവദിക്കുന്നത്. എന്നാല് കേരളം അഞ്ചു വര്ഷമായിട്ട് ഇത് നല്കിയിട്ടില്ലെന്നും നിര്മലാ സീതാരാമന് പറഞ്ഞു.