കുറ്റിക്കാട്ടൂരിൽ ബാലവിവാഹത്തിനെതിരെ പൊലീസ് കേസെടുത്തു. 17 വയസ്സുള്ള പെണ്കുട്ടിയുടെ വിവാഹം ഈ മാസം 18 നാണ് നടന്നത്. മെഡിക്കല് കോളജ് പൊലീസാണ് പെണ്കുട്ടിയുടെ മാതാപിതാക്കള്ക്കും വരനുമെതിരെ കേസെടുത്തത്. സംഭവവുമായി ബന്ധപ്പെട്ട് ചൈല്ഡ് പ്രൊട്ടക്ഷന് ഓഫിസര്ക്ക് ലഭിച്ച വിവരം പിന്നീട് പൊലീസിന് കൈമാറുകയായിരുന്നു. തുടര്ന്നാണ് പൊലീസ് അന്വേഷണം നടത്തിയത്.വിവാഹത്തിന് കാര്മികത്വം വഹിച്ചവരെയും കേസില് പ്രതി ചേര്ത്തിട്ടുണ്ട്. ബാലവിവാഹ നിരോധനപ്രകാരമാണ് പെണ്കുട്ടിയുടെ മാതാപിതാക്കള്ക്കും വരനുമെതിരെ പൊലീസ് കേസെടുത്തത്. പൊലീസ് പെണ്കുട്ടിയുടെ മൊഴി രേഖപ്പെടുത്തിയിട്ടില്ല. വൈദ്യ പരിശോധന കൂടി നടത്തിയ ശേഷമാകും പോക്സോ ഉള്പ്പെടെയുള്ള വകുപ്പുകള് ചുമത്തണോ എന്ന് തീരുമാനിക്കുക.
കുറ്റിക്കാട്ടൂരിൽ ബാലവിവാഹം ;മാതാപിതാക്കൾക്കും വരനുമെതിരെ കേസ്
