പാലക്കാട് വിക്ടോറിയ കോളജിൽ ഭിന്നശേഷിക്കാരിയായ കുട്ടിയെ അധ്യാപകൻ മാതാവിന്റെ മുന്നിൽവച്ച് അപമാനിച്ചതായി പരാതി. കൊമേഴ്സ് വിഭാഗം അസോസിയേറ്റ് പ്രൊഫസർ ഡോ എം ബിനു കുര്യനെതിരെയാണ് പരാതി. വിദ്യാർത്ഥികൾ അധ്യാപകനെ ക്ലാസ് മുറിയിൽ പൂട്ടിയിട്ട് പ്രതിഷേധിച്ചു.
‘ഭിന്നശേഷിക്കാരിയായ വിദ്യാർത്ഥിക്ക് സ്ക്രൈബിനെ ആവശ്യപ്പെടാൻ അവകാശമുണ്ട്. ഈ ആവശ്യവുമായി കുട്ടിയുടെ അമ്മ കോളജിലെത്തിയ സമയത്ത് ഈ വിദ്യാർത്ഥി പരീക്ഷ എഴുതിയിട്ടെന്തിനാ എന്നുൾപ്പെടെ അധ്യാപകൻ ചോദിക്കുന്ന നിലയുണ്ടായി. അപമാനം കേട്ട് വിഷമത്തോടെ ഈ സംഭവം അമ്മ ഞങ്ങളോട് വിവരിച്ചു. നിയമം പഠിപ്പിക്കുന്ന അധ്യാപകനാണ് ഇദ്ദേഹം. നിയമാധ്യാപകനാണ് ഭിന്നശേഷി വിദ്യാർത്ഥികളുടെ അവകാശങ്ങളെക്കുറിച്ച് അറിയാത്തത് എന്നത് യുക്തിരഹിതമാണ്’. അധ്യാപകനെതിരെ പ്രതിഷേധിച്ച വിദ്യാർത്ഥികൾ പറഞ്ഞു.
