വിഴിഞ്ഞം തുറമുഖ നിര്മ്മാണത്തിന് സംരക്ഷണം ഉറപ്പാക്കാന് ഹൈക്കോടതി ഉത്തരവ്. തുറമുഖനിര്മാണം തടസ്സപ്പെടുത്തരുതെന്നും ഹൈക്കോടതി ഇടക്കാല ഉത്തരവില് പറയുന്നു.തുറമുഖ നിർമാണ പ്രദേശത്തേക്ക് സമരക്കാർ അതിക്രമിച്ച് കടക്കരുതെന്നും കോടതി വ്യക്തമാക്കി. പ്രതിഷേധങ്ങൾ സമാധാനപരമായിരിക്കണം. നിർമാണ പ്രവർത്തനം തടസ്സപ്പെടുത്തരുത്. പ്രോജക്ട് സൈറ്റിൽ വരുന്ന ഉദ്യോഗസ്ഥരെ, തൊഴിലാളികളെ തടയുവാൻ പ്രതിഷേധക്കാർക്ക് അവകാശം ഇല്ല എന്നും ഹൈക്കോടതി വ്യക്തമാക്കി. പ്രതിഷേധങ്ങള് കാരണം വിഴിഞ്ഞം തുറമുഖ നിര്മ്മാണം പൂര്ണമായും സ്തംഭിച്ചു എന്ന് കാട്ടിയാണ് അദാനി ഗ്രൂപ്പും നിര്മ്മാണ ചുമതലയുള്ള കമ്പനിയും കോടതിയെ സമീപിച്ചത്. അതീവസുരക്ഷാ മേഖലയായ പദ്ധതി പ്രദേശത്ത് സ്ത്രീകളും കുട്ടികളും അടക്കം നൂറുകണക്കിനാളുകള് എത്തുന്നുണ്ടെന്നും ഹര്ജിയില് ചൂണ്ടിക്കാട്ടിയിരുന്നു.തുറമുഖ നിര്മാണത്തിന് സുരക്ഷയൊരുക്കുന്നതില് പോലീസിന് ഏതെങ്കിലും തരത്തിലുള്ള ബുദ്ധിമുട്ടുകള് അനുഭവപ്പെടുകയാണെങ്കില് കേന്ദ്ര സേനയുടെ സഹായം തേടാവുന്നതാണെന്നും ഹൈക്കോടതി വ്യക്തമാക്കുന്നു.
വിഴിഞ്ഞം തുറമുഖ നിര്മ്മാണത്തിന് സംരക്ഷണം ഉറപ്പാക്കണം;പൊലീസ് സുരക്ഷ നല്കണം,തടസ്സപ്പെടുത്തരുതെന്ന് ഹൈക്കോടതി
