മതിയായ രേഖകൾ ഇല്ലാതെ പ്രായപൂർത്തിയാകാത്ത പെൺകുട്ടികളെ കേരളത്തിലെത്തിച്ചസംഭവത്തിൽ പെരുമ്പാവൂര് കരുണ ചാരിറ്റബിള് ട്രസ്റ്റ് ഡയറക്ടര് ഫാദര് ജേക്കബ് വര്ഗീസ് അറസ്റ്റിലായി.ജുവനൈല് ജസ്റ്റീസ് നിയമപ്രകാരമുള്ള അനുമതി ഇല്ലാതെയാണ് കുട്ടികളെ കേരളത്തിലേക്ക് എത്തിച്ചത്.ജേക്കബ് വര്ഗീസ് ഡയറക്ടറായ കരുണ ചാരിറ്റബിള് ട്രസ്റ്റ് നിയമവിരുദ്ധമായാണ് പ്രവര്ത്തിക്കുന്നത് എന്ന് അന്വേഷണത്തില് കണ്ടെത്തിയിരുന്നു. സംഭവത്തില് ഇടനിലക്കാര് ഇന്നലെ കോഴിക്കോട് റെയിൽവേ പൊലീസ് അറസ്റ്റ് ചെയ്തിരുന്നു. തുടര്ന്ന് നടത്തിയ അന്വേഷണമാണ് വൈദികനിലെക്കെത്തിയത്.മതിയായ രേഖകൾ ഇല്ലാതെ പ്രായപൂർത്തിയാകാത്ത പെൺകുട്ടികളെ കേരളത്തിലെത്തിച്ച സംഭവത്തിൽ രണ്ട് രാജസ്ഥാൻ സ്വദേശികൾക്കെതിരെ ഇന്നലെ പൊലീസ് കേസെടുത്തിരുന്നു. രാജസ്ഥാൻ സ്വദേശികളായ ലോകേഷ് കുമാർ, ശ്യാം ലാൽ എന്നിവർക്കെതിരെയാണ് റെയില്വേ പൊലീസ് കേസെടുത്തത്. ചൊവ്വാഴ്ച രാത്രി ഓഖ എക്സ്പ്രസിലാണ് കുട്ടികളെ എത്തിച്ചത്. സംശയം തോന്നിയ യാത്രക്കാർ, റെയിൽവേ പൊലീസിനെ വിവരം അറിയിക്കുകയായിരുന്നു. കുട്ടികൾക്ക് ഒപ്പം ആറ് മുതിർന്നവരാണ് ഉണ്ടായിരുന്നത്. ഇവരെ കസ്റ്റഡിയിൽ എടുത്ത് പൊലീസ് ചോദ്യം ചെയ്തു. നാല് പേർ രക്ഷിതാക്കളാണെന്ന് ബോധ്യപ്പെട്ടു. മറ്റ് രണ്ട് പേർക്കെതിരെയാണ് കേസെടുത്തത്.
കോഴിക്കോട് കുട്ടിക്കടത്ത്;പെരുമ്പാവൂര് കരുണ ചാരിറ്റബിള് ട്രസ്റ്റ് ഡയറക്ടര് ഫാദര് ജേക്കബ് വര്ഗീസ് അറസ്റ്റിൽ
