മകനെ നീന്തല് പഠിപ്പിക്കുന്നതിനിടെ അച്ഛനും മകനും മുങ്ങിമരിച്ചു. കണ്ണൂര് ഏച്ചൂരിലാണ് ഈ ദാരുണ സംഭവം.നടന്നത്. ഏച്ചൂര് സ്വദേശി പി പി ഷാജിയും(50) മകന് ജോതിരാദിത്യയും(15) ആണ് മരിച്ചത്. വട്ടപ്പൊയില് പന്നിയോട്ട് കുളത്തില് ആണ് അപകടമുണ്ടായത്. വെള്ളത്തില് മുങ്ങി താഴ്ന്ന മകനെ രക്ഷിക്കാനുള്ള ശ്രമത്തില് ഷാജിയും മുങ്ങി മരിക്കുകയായിരുന്നു. ഷാജി എച്ചൂര് സര്വീസ് സഹകരണ ബാങ്ക് സെക്രട്ടറിയാണ്.
മകന് തുടര്പഠനത്തിന് നീന്തല് സര്ട്ടിഫിക്കറ്റ് ആവശ്യമായിരുന്നുവെന്നും, ഇതിനെ തുടര്ന്നാണ് നീന്തല് പഠിക്കാന് കുളത്തിലേയ്ക്ക് എത്തിയതെന്നുമാണ് പ്രാഥമിക വിവരം. വെള്ളത്തില് മുങ്ങിയ മകനെ രക്ഷിക്കാനുള്ള ശ്രമത്തിനിടെയാണ് ഷാജി മുങ്ങി മരിച്ചത്. ഫയര്ഫോഴ്സും പൊലീസും നാട്ടുകാരും ചേര്ന്നാണ് മൃതദേഹങ്ങള് പുറത്തെടുത്തത്.
