കേരളത്തില് അടുത്ത അഞ്ച് ദിവസം കേരളത്തില് വ്യാപകമായ മഴയ്ക്കു സാധ്യതയെന്ന് കേന്ദ്ര കാലാവസ്ഥ വകുപ്പ്. പത്ത് ജില്ലകളില് യെല്ലോ അലര്ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
ഞായറാഴ്ച തെക്കന് ജില്ലകളിലും മധ്യകേരളത്തിലും ശക്തമായ മഴയ്ക്ക് സാധ്യതയുണ്ട്.
അതേസമയം, സംസ്ഥാനത്ത് കാലവര്ഷം തിങ്കളാഴ്ചയോടെ എത്തുമെന്ന് കാലാവസ്ഥാവകുപ്പ് അറിയിച്ചു. തെക്കുപടിഞ്ഞാറന് മണ്സൂണ് ലക്ഷദ്വീപ് മേഖലയിലെത്തി. കാലവര്ഷം കേരളത്തില് എത്തിയാലും ആദ്യ ദിവസങ്ങളില് അതിശക്തവും വ്യാപകവുമായ മഴയ്ക്ക് സാധ്യത കുറവാണ്.
