മിന്നല് മുരളി ഒടിടി റിലീസിന് ഒരുങ്ങുന്നു. നെറ്റ്ഫ്ലിക്സിലൂടെയാകും ചിത്രം പ്രദര്ശനത്തിനെത്തുക. റിലീസ് ഡേറ്റ് പ്രഖ്യാപിച്ചിട്ടില്ല. വീക്കെന്ഡ് ബ്ലോക്ക് ബസ്റ്റേഴ്സിന്റെ ബാനറില് സോഫിയ പോളാണ് ആക്ഷന് ചിത്രം മിന്നല് മുരളി നിര്മ്മിച്ചിരിക്കുന്നത്. മലയാളത്തിനു പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം റിലീസ് ചെയ്യും. മിസ്റ്റര് മുരളിയെന്നാണ് ഹിന്ദി പതിപ്പിന്റെ പേര്. മെരുപ്പ് മുരളിയെന്ന് തെലുങ്ക് പതിപ്പിനും മിഞ്ചു മുരളിയെന്ന് കന്നഡ പതിപ്പിനും പേരിട്ടിരിക്കുന്നു. ടോവിനോയുടെ കരിയറിലെ തന്നെ ഏറ്റവും വലിയ ബഡ്ജറ്റില് ഒരുക്കിയിരിക്കുന്ന ചിത്രം കൂടിയാണ് മിന്നല് മുരളി.
നെറ്റ്ഫ്ള്സിന്റെ ഔദ്യോഗിക ട്വിറ്റര് പേജിലൂടെയാണ് ഇതുസംബന്ധിച്ച് പ്രഖ്യാപനമുണ്ടായത്. ‘ഇത് മിന്നും’ എന്ന തലവാചകത്തോടുകൂടിയാണ് നെറ്റ്ഫ്ളിക്സ് വിവരം പങ്കുവെച്ചിരിക്കുന്നത്.ബേസില് ജോസഫിന്റെ സംവിധാനത്തില് ടൊവിനോ തോമസ് നായകനാകുന്ന ചിത്രമാണ് മിന്നല് മുരളി. അജു വര്ഗീസ്, ഹരിശ്രീ അശോകന്, ബൈജു, ഫെമിന എന്നിവര് മറ്റ് കഥാപാത്രങ്ങളായി എത്തുക. ജിഗര്തണ്ട, ജോക്കര് തുടങ്ങിയ ചിത്രങ്ങളിലൂടെ പ്രശസ്തനായ ഗുരു സോമസുന്ദരം മിന്നല് മുരളിയില് ഒരു ശ്രദ്ധേയമായ കഥാപാത്രത്തെ അവതരിപ്പിക്കുന്നുണ്ട്.
