ലക്ഷദ്വീപ് അഡ്മിനിസ്ട്രേറ്റര് പ്രഫൂല് പട്ടേലിനെതിരെ ബയോ വെപ്പണ് പരാമര്ശനം നടത്തിയതിന്റെ പേരില് രാജ്യദ്രോഹക്കേസ് ചുമത്തപ്പെട്ട സംവിധായിക ഐഷ സുല്ത്താനയ്ക്ക് ഐക്യദാര്ഢ്യമറിയിച്ച് വിദ്യാഭ്യാസ മന്ത്രി വി ശിവന്കുട്ടി. ഐഷ സുല്ത്താനയെ ഫോണില് വിളിച്ചാണ് മന്ത്രി പിന്തുണ അറിയിച്ചത്.
ചാനല് ചര്ച്ചയിലെ പരാമര്ശത്തിന്റെ പേരില് ഐഷക്കെതിരെ രാജ്യദ്രോഹക്കുറ്റമാണ് ചുമത്തിയിരിക്കുന്നത്. പോരാട്ടത്തില് ഐഷ തനിച്ചല്ലെന്നും മന്ത്രി പറഞ്ഞു.
ധൈര്യമായി ഇരിക്കണമെന്നും എല്ലാവരും കൂടെയുണ്ടെന്നും മന്ത്രി ഐഷ സുല്ത്താനയോട് പറഞ്ഞു.
ലക്ഷദീപ് ഭരണകൂടത്തിന്റെ ഏകാധിപത്യ
-ഫാസിസ്റ്റ് നയങ്ങൾക്കെതിരെയുള്ള പോരാട്ടത്തിന്റെ ജനകീയ മുഖമായ ആയിഷ സുൽത്താനക്കെതിരായ കേസ് പിൻവലിക്കണം.
ആയിഷ സുൽത്താനയുമായി ഇന്ന്
ടെലിഫോണിലൂടെ സംസാരിച്ചു.
ചാനൽ ചർച്ചയിലെ പരാമർശത്തിന്റെ
പേരിൽ ആയിഷക്കെതിരെ രാജ്യദ്രോഹ കുറ്റമാണ് ചുമത്തിയിരിക്കുന്നത്.
ഈ പോരാട്ടത്തിൽ ആയിഷ തനിച്ചല്ല,
രാജ്യത്തെ ജനാധിപത്യ സമൂഹമാകെ ആയിഷയുടെ ഒപ്പമുണ്ടാകും. ധൈര്യമായി മുന്നോട്ടു പോകാൻ എല്ലാവിധ പിന്തുണയും ആയിഷയ്ക്ക് വാഗ്ദാനം ചെയ്തു.
ലക്ഷദ്വീപ് ജനതയ്ക്ക് പിന്തുണ പ്രഖ്യാപിച്ച് നിയമസഭ ഏകകണ്ഠമായി പ്രമേയം പാസാക്കിയിരുന്നു. കേരളം ലക്ഷദ്വീപ് ജനതയ്ക്ക് ഒപ്പമാണ്. ലോകത്ത് ഒരിടത്തും ഒരു രാജ്യത്തും നടക്കാത്ത കാര്യങ്ങളാണ് ഇപ്പോൾ ഇന്ത്യയിൽ നടക്കുന്നത്. ഇക്കാര്യത്തിൽ യോജിച്ച പോരാട്ടം ഉണ്ടാകുമെന്ന് ഉറപ്പാണ്.
