കുന്ദമംഗലം മുതൽ കാരന്തൂർ വരെയുള്ള ഭാഗങ്ങളിൽ റോഡിരികയിലായി നിരീക്ഷണ ക്യാമറ സ്ഥാപിക്കുന്നതിനായി കുന്ദമംഗലം നിയോജക മണ്ഡലം എം എൽ എ പി ടി എ റഹീമിന്റെ എം എൽ എ ഫണ്ടിൽ നിന്നും 64 രൂപ അനുവദിച്ചു.കുറ്റ കൃത്യങ്ങൾ തടയുക അനധികൃത പാർക്കിംഗ് ഒഴിവാക്കുക , കൂടാതെ കാലങ്ങളായി കുന്ദമംഗലം നേരിടുന്ന ട്രാഫിക് പ്രശ്നങ്ങൾക്ക് പരിഹാരം കാണുക,തുടങ്ങിയ കാര്യങ്ങൾ ലക്ഷ്യം വെച്ചാണ് കാമറ സ്ഥാപിക്കുന്നത്.
ആദ്യ ഘട്ടം എന്ന നിലയിൽ കാരന്തൂർ മുതൽ കുന്ദമംഗലം മുക്കം വയനാട് റോഡ് ജംഗ്ഷൻ വരെ ആണ് ക്യാമറകൾ സ്ഥാപിക്കുന്നത്.എം എൽ എ റോഡിൽ പുതുതായി വരുന്ന മാതൃക പോലീസ് സ്റ്റേഷൻ കേന്ദ്രീകരിച്ചാണ് കണ്ട്രോൾ റൂം പ്രവർത്തനം നടക്കുക .അസി.പോലീസ് കമ്മീഷ്ണർ രാജു(ട്രാഫിക് ) ,കുന്ദമംഗലം എസ് എച് ഒ ഡൊമനിക് ജയൻ ,എസ് ഐ ശ്രീജിത്ത് എന്നിവരുടെ നേതൃത്വത്തത്തിൽ പരിശോധന നടത്തി. പ്രധാനമായും കുന്ദമംഗലത്തെ ട്രാഫിക് കുരുക്കിന് ഒരു പരിഹാരം , കുററ കൃത്യങ്ങൾ തടയുക, കണ്ടുപിടിക്കുക തുടങ്ങി നിരവധി കാര്യങ്ങൾക്പ്രയോജനമാവും.