രാജ്യത്ത് ഈ മാസം 16 മുതല് കൊവിഡ് വാക്സിന് ഉപയോഗം ആരംഭിക്കും. പ്രധാനമന്ത്രി നരേന്ദ്ര മോദിയുടെ അധ്യക്ഷതയില് ചേര്ന്ന യോഗത്തിലാണ് തീരുമാനം. മൂന്ന് കോടി ആരോഗ്യപ്രവര്ത്തകര്ക്ക് ആദ്യഘട്ടത്തില് വാക്സിന് നല്കും.
പൂനയില് നിന്ന് വാക്സിന് എയര്ലിഫ്റ്റ് ചെയ്യാനാണ് തീരുമാനിച്ചിരിക്കുന്നത്. നാളെ തന്നെ വിതരണ കേന്ദ്രങ്ങളില് വാക്സിന് എത്തും. ഇതിന്റെ എല്ലാ ഒരുക്കങ്ങളും പൂര്ത്തിയായതായി. പതിനാറാം തീയതി മുതല് വാക്സിന് ഉപയോഗിച്ച് തുടങ്ങാന് സാധിക്കുമെന്നാണ് കരുതുന്നത്. ആദ്യഘട്ടത്തില് 30 കോടി പേര്ക്കാണ് വാക്സിന് നല്കുക. ഇതില് മൂന്ന് കോടി പേര് ആരോഗ്യപ്രവര്ത്തകരാണ്.
ഇന്നലെ നടന്ന ട്രയല് റണ്ണിന്റെ വിശദാംശങ്ങള് യോഗം വിലയിരുത്തി. ട്രയല് റണ് വിജയകരമാണെന്ന അഭിപ്രായമാണ് യോഗത്തില് ഉയര്ന്നത്.
