സംസ്ഥാനത്ത് കൊവിഡ് വാക്സിന് വിതരണത്തിനായുള്ള ഡ്രൈ റണ് രണ്ടാംഘട്ടം വിജയകരമായി പൂര്ത്തിയായി.ഇതോടെ വാക്സിന് എപ്പോള് എത്തിയാലും കേരളം കൊവിഡ് വാക്സിനേഷന് സജ്ജമെന്ന് ആരോഗ്യമന്ത്രി കെ.കെ.ശൈലജ പറഞ്ഞു.
പതിനാല് ജില്ലകളിലായി 46 കേന്ദ്രങ്ങളിലാണ് ഡ്രൈ റണ് നടന്നത്.രാവിലെ ഒന്പത് മുതല് 11 മണി വരെയായിരുന്നു ഡ്രൈ റണ്.ഓരോ കേന്ദ്രങ്ങളിലും 25 ആരോഗ്യ പ്രവര്ത്തകര് വീതം പങ്കെടുത്തു . കൊവിഡ് വാക്സിനായി നേരത്തെ രജിസ്റ്റര് ചെയ്ത ആരോഗ്യ പ്രവര്ത്തകര്ക്കായിരുന്നു അവസരം.
ആദ്യഘട്ടത്തിലുണ്ടായ ചെറിയ പോരായ്മകള് പരിഹരിക്കാനായതായി ആരോഗ്യ വകുപ്പ് വ്യക്തമാക്കി.
വാക്സിന് വിതരണത്തില് കുത്തിവയ്പ്പൊഴികെയുള്ള മറ്റെല്ലാ നടപടിക്രമങ്ങളും വീണ്ടും വിലയിരുത്തി.സംസ്ഥാനത്ത് 3,51,457 പേരാണ് ഇതുവരെ രജിസ്റ്റര് ചെയ്തിതിട്ടുള്ളത്. സര്ക്കാര് മേഖലയിലെ 1,67,084 പേരും സ്വകാര്യ മേഖലയിലെ 1,84,373 പേരും രജിസ്റ്റര് ചെയ്തവരില് ഉള്പ്പെടുന്നു.
