ന്യൂദല്ഹി: ബാബറി മസ്ജിദ് തകര്ത്ത കേസിലെ കോടതി വിധി നീതിയുടെ മേലുള്ള സമ്പൂര്ണ ചതിയാണെന്ന് സി.പി.ഐ.എം ജനറല് സെക്രട്ടറി സീതാറാം യെച്ചൂരി. ബാബറി മസ്ജിദ് തകര്ക്കാന് ക്രിമിനല് ഗൂഢാലോചനക്കുറ്റം ചുമത്തിയ എല്ലാവരും കുറ്റവിമുക്തരാക്കപ്പെട്ടു. പിന്നെ ഇത് സ്വയം പൊട്ടിത്തകരുകയായിരുന്നോ? എന്നും അദ്ദേഹം ചോദിച്ചു.
കേസിലെ മുഴുവന് പ്രതികളേയും വെറുതെ വിട്ട കോടതി വിധി നാണംകെട്ടതാണെന്നും അദ്ദേഹം പറഞ്ഞു.
ബാബറി മസ്ജിദ് പൊളിച്ചത് നിയമലംഘനമാണെന്ന് അന്നത്തെ സി.ജെ.ഐയുടെ നേതൃത്വത്തിലുള്ള ഭരണഘടനാ ബെഞ്ച് വ്യക്തമാക്കിയിരുന്നു. ഇപ്പോള് ഈ വിധി!നാണക്കേട് അദ്ദേഹം ട്വിറ്ററില് എഴുതി.
