സെപ്റ്റംബര് 1 മുതല് വിദ്യാഭ്യാസ സ്ഥാപനങ്ങള് തുറന്നേക്കുമെന്ന് റിപ്പോര്ട്ട്. കൊവിഡ് പശ്ചാത്തലത്തില് അടച്ച രാജ്യത്തെ സ്കൂളുകളും കോളേജുകളും മറ്റ് വിദ്യാഭ്യാസ സ്ഥാപനങ്ങളും സെപ്റ്റംബര് ഒന്ന് മുതല് തുറക്കാന് കേന്ദ്രസര്ക്കാര് അനുമതി നല്കുമെന്ന് സൂചന. ഇത് സംബന്ധിച്ച മാര്ഗരേഖ ഓഗസ്റ്റ് അവസാനം കേന്ദ്രസര്ക്കാര് പുറത്തിറക്കുുമെന്നാണ് അറിയുന്നത്. അതേയസമയം കൊവിഡ് വ്യാപന സാധ്യത കൂടി കണക്കിലെടുത്ത് ഓരോ സംസ്ഥാനങ്ങള്ക്കും സ്കൂള് തുറക്കാനുള്ള തീരുമാനമെടുക്കാനുള്ള അധികാരവും കേന്ദ്രം നല്കും.
ഓരോ മാസത്തിലേയും ആദ്യ 15 ദിവസം സ്കൂളിലെ 10,11,12 ക്ലാസുകളായിരിക്കും പ്രവര്ത്തിക്കാന് അനുവദിക്കുക. തുടര്ന്ന് 6 മുതല് 9 വരെയുള്ള ക്ലാസുകളുടെ പ്രവര്ത്തനം ആരംഭിക്കും.
പ്രൈമറി, പ്രീ പൈമറി ക്ലാസുകള് ഉടന് ആരംഭിക്കില്ല. സ്കൂളില് ഓരോ തലത്തിലും നാല് ഡിവിഷനുകള് ഉണ്ടെങ്കില് രണ്ട് ഡിവിഷന് ഒരു സമയവും മറ്റ് രണ്ട് ഡിവിഷന് വേറെ സമയവും ആകും ക്ലാസുകള്.
രാവിലെ 8 മുതല് 11 വരേയും 12 മുതല് 3 വരെയുമാകും ഷിഫ്റ്റുകള്. ഇടവേളയായി ലഭിക്കുന്ന ഒരു മണിക്കൂര് സ്കൂള് സാനിറ്റൈസ് ചെയ്യാന് അനുവദിക്കും. അധ്യാപക അനധ്യാപക ജീവനക്കാരില് 33 ശതമാനം മാത്രമാകും ഒരു സമയം അനുവദിക്കുകയെന്നും റിപ്പോര്ട്ടുണ്ട്.
