ഇന്ത്യയില് കോവിഡ് ബാധിതരുടെ എണ്ണം പത്ത് ലക്ഷം കവിഞ്ഞു. കഴിഞ്ഞ 24 മണിക്കൂറിനിടെ 34,956 പേര്ക്ക് രാജ്യത്ത് കോവിഡ് സ്ഥിരീകരിച്ചു. ഇതോടെ ഇന്ത്യയില് കോവിഡ് ബാധിതരുടെ എണ്ണം 10,03,832 ആയി ഉയര്ന്നു. 687 പേരാണ് ഇന്നലെ മാത്രം രാജ്യത്ത് മരണപ്പെട്ടത്. ഒരു ദിവസം റിപ്പോര്ട്ട് ചെയ്യുന്ന ഏറ്റവും ഉയര്ന്ന മരണ നിരക്കാണിത്. ഇതോടെ മരിച്ചവരുടെ എണ്ണം 25,602 ആയി.
രോഗം ഏറ്റവും രൂക്ഷമായി ബാധിച്ച മഹാരാഷ്ട്ര, തമിഴ്നാട്, ഡല്ഹി, കര്ണാടക, ഗുജറാത്ത്, ഉത്തര്പ്രദേശ്, തെലങ്കാന എന്നിവിടങ്ങളില് രോഗബാധിതരുടെ എണ്ണത്തില് വന് വര്ദ്ധനയാണ് രേഖപ്പെടുത്തുന്നത്. മഹാരാഷ്ട്രയില് ഇന്നലെ മാത്രം 8,641 പേര്ക്കാണ് രോഗം സ്ഥിരീകരിച്ചത്. മുബൈയില് മാത്രം 1,476 പേര്ക്ക് രോഗം പിടിപ്പെട്ടു. അതേസമയം തമിഴ്നാട്ടില് മാത്രം രോഗബാധിതരുടെ എണ്ണം 1,56,369 ആയി. .
