തിരുവനന്തപുരം/കോഴിക്കോട് : തിരുവനന്തപുരം നഗരസഭയിലെ സ്വാതന്ത്ര്യ ദിനാഘോഷ പരിപാടിയില് വന്ദേ മാതരം ആലപിച്ചു. രാജ്യത്തെ ജനങ്ങൾ പുതിയ മുന്നേറ്റം ആരംഭിച്ചിരിക്കുകയാണെന്നും നഗരസഭ ജനങ്ങൾക്ക് വളരെ പ്രതീക്ഷ നൽകിയാണ് മുന്നോട്ട് പോകുന്നതെന്നും മേയർ വി വി രാജേഷ് പറഞ്ഞു.
സ്വാതന്ത്ര്യദിനാഘോഷത്തില് കോഴിക്കോട് കോര്പ്പറേഷനില് നാടകീയ രംഗങ്ങള്ളാണ് അരങ്ങേറിയത്. ഒരേ സമയം ദേശീയ ഗാനവും വന്ദേമാതരവും ആലപിച്ച് അംഗങ്ങള്. മേയർ ദേശീയപതാക ഉയർത്തി, സ്വാതന്ത്ര്യദിന സന്ദേശം നൽകിയശേഷമാണ് ഇരുകൂട്ടരും ദേശീയഗാനവും വന്ദേമാതരവും ഒരുമിച്ച് ആലപിച്ചത്. മേയറുടെ നേതൃത്വത്തില് എല്ഡിഎഫ് അംഗങ്ങള് ദേശീയ ഗാനവും ബിജെപി കൗണ്സിലര്മാര് വന്ദേമാതരവും ആലപിക്കുകയായിരുന്നു. രണ്ട് വിഭാഗവും ഒരേസമയം ഗാനം ആലപിപ്പിക്കുകയായിരുന്നു. ബിജെപി കൗണ്സിലര്മാര് വന്ദേമാതരം ആലപിച്ചപ്പോള് മേയറും ഡെപ്യൂട്ടി മേയറും അടക്കം ദേശീയ ഗാനം പാടി അവസാനിപ്പിച്ച് തിരിഞ്ഞ് നടന്നു. ആ സമയവും ബിജെപി അംഗങ്ങള് വന്ദേമാതരം പൂര്ണ്ണമായും ആലപിക്കുകയായിരുന്നു.
എന്നാൽ, സ്വാതന്ത്ര്യദിനാഘോഷ പരിപാടിയില് നിന്നും സംസ്ഥാന സര്ക്കാര് വന്ദേമാതരം ഒഴിവാക്കിയിരുന്നു. മുഖ്യമന്ത്രി വി ഡി സതീശൻ പങ്കെടുത്ത സ്വാതന്ത്ര്യ ദിനാഘോഷ പരിപാടിയില് ദേശീയഗാനം മാത്രമാണ് ഉള്പ്പെടുത്തിയിരിക്കുന്നത്.
