തിരുവനന്തപുരം: ആരോഗ്യ പ്രവർത്തകർക്ക് ആവശ്യാനുസരണം പി പി ഇ കിറ്റുകൾ ലഭ്യമാണെന്ന് ആരോഗ്യ വകുപ്പ് സെക്രട്ടറി ഉറപ്പു വരുത്തണമെന്ന് സംസ്ഥാന മനുഷ്യാവകാശ കമ്മീഷൻ.
മതിയായ സുരക്ഷാ കവചങ്ങളില്ലാതെ കൊറോണയെ നേരിടുന്ന ആരോഗ്യപ്രവർത്തകരുടെ ആശങ്ക അകറ്റാനുള്ള ഉത്തരവാദിത്വം സർക്കാരിനുണ്ടെന്ന് കമ്മീഷൻ ജുഡീഷ്യൽ അംഗം എം മോഹനദാസ് ഉത്തരവിൽ പറഞ്ഞു.വിദേശങ്ങളിൽ നിന്നും അന്യസംസ്ഥാനങ്ങളിൽ നിന്നും എത്തുന്നവരുടെ എണ്ണം അനുദിനം വർധിക്കുന്ന സാഹചര്യത്തിൽ ഇക്കാര്യം ഉറപ്പാക്കേണ്ട ഉത്തരവാദിത്വം സർക്കാരിനുണ്ടെന്നു മനുഷ്യാവകാശ കമ്മീഷൻ പറഞ്ഞു.
ആവിശ്യമായ നടപടി സ്വീകരിച്ച ശേഷം ആരോഗ്യ സെക്രട്ടറി 30 ദിവസത്തിനുള്ളിൽ കമ്മീഷന് മുൻപിൽ റിപ്പോർട്ട് സമർപ്പിക്കണം. മനുഷ്യാവകാശ പ്രവർത്തകനായ ദേവദാസിന്റെ പരാതിയിലാണ് നടപടി.
