തിരുവനന്തപുരം: യൂത്ത് കോണ്ഗ്രസുകാരെ മര്ദിച്ച കേസില് ക്രമസമാധാന ചുമതലയുള്ള എഡിജിപി എം.ആര് അജികുമാറിന്റെ ഓഫീസില് എസ്ഐടി പരിശോധന. ഓഫീസിലെ സിസിടിവി ദൃശ്യങ്ങളും സന്ദര്ശക രജിസ്റ്ററും ഉള്പ്പെടെ എസ്ഐടി പരിശോധിച്ചു.
ഇന്നലെയാണ് പരിശോധന നടന്നത്. കേസുമായി ബന്ധപ്പെട്ട നിര്ണായക വിവരങ്ങള് ശേഖരിച്ചതായാണ് സൂചന.
നവകേരള യാത്രക്കിടെ ആലപ്പുഴയില് വെച്ച് യൂത്ത് കോണ്ഗ്രസ് പ്രവര്ത്തകരെ മുന് മുഖ്യമന്ത്രി പിണറായി വിജയന്റെ ഗണ്മാന്മാര് മര്ദിച്ച കേസിലാണ് എസ്ഐടിയുടെ നീക്കം. ഗണ്മാന്മാരെ സഹായിക്കുന്നതിനായി എം.ആര് അജിത്കുമാര് കേസ് ഡയറി തിരുത്തിയെന്ന ആരോപണങ്ങള് നിലനില്ക്കെയാണ് എസ്ഐടി നടപടികള് ശക്തമാക്കിയിരിക്കുന്നത്.
