കാരന്തൂര്: കേരളത്തിലെ പ്രമുഖ വോളിബോള് പരിശീലന കേന്ദ്രങ്ങളിലൊന്നായ പാറ്റേണ് വോളി അക്കാദമിയുടെ ആഭിമുഖ്യത്തില് ജനപ്രതിനിധികള്ക്കും കായിക-സാമൂഹിക രംഗങ്ങളില് മികവ് തെളിയിച്ച വ്യക്തികള്ക്കും നല്കുന്ന സ്വീകരണ സമ്മേളനത്തിനുള്ള ഒരുക്കങ്ങള് പൂര്ത്തിയായതായി സംഘാടകര് അറിയിച്ചു. ജൂണ് 20-ന് ശനിയാഴ്ച വൈകീട്ട് 4 മണിക്ക് നടക്കുന്ന സമ്മേളനം കേരള ആഭ്യന്തര വകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്യും.
എം. കെ. രാഘവന് എം.പി മുഖ്യാതിഥിയായും മുന് പൊതുമരാമത്ത് വകുപ്പ് മന്ത്രി പി. എ. മുഹമ്മദ് റിയാസ് എം.എല്.എ മുഖ്യപ്രഭാഷകനായും പങ്കെടുക്കും. മറ്റ് പ്രമുഖ ജനപ്രതിനിധികളും ചടങ്ങില് സന്നിഹിതരാകും.
കഴിഞ്ഞ 36 വര്ഷമായി കേരളത്തിനകത്തും പുറത്തും ശ്രദ്ധേയമായ പ്രകടനത്തിലൂടെ നിരവധി ദേശീയ-സംസ്ഥാന താരങ്ങളെ വളര്ത്തിയെടുത്ത സ്ഥാപനമാണ് കാരന്തൂരിലെ പാറ്റേണ് വോളി അക്കാദമി. സംസ്ഥാനത്തെ മികച്ച കായിക സംഘടനയ്ക്കുള്ള പുരസ്കാരങ്ങള് ഉള്പ്പെടെ നിരവധി അംഗീകാരങ്ങള് അക്കാദമിക്ക് ലഭിച്ചിട്ടുണ്ട്. അക്കാദമിയില് പരിശീലനം നേടിയ നിരവധി കായികതാരങ്ങള്ക്ക് സര്ക്കാര്, സ്വകാര്യ മേഖലകളില് തൊഴില് ലഭിക്കാനും സാധിച്ചിട്ടുണ്ട്.
ചടങ്ങില് പുതുതായി തിരഞ്ഞെടുക്കപ്പെട്ട എം.എല്.എ എം. എ. റസാഖ് മാസ്റ്റര്, പാറ്റേണ് അംഗം കൂടിയായ പി. കെ. ഫിറോസ് എം.എല്.എ, ജില്ലാ പഞ്ചായത്ത് പ്രസിഡന്റ് മില്ലി മോഹന്, വൈസ് പ്രസിഡന്റ് കെ. കെ. നവാസ്, ബ്ലോക്ക് പഞ്ചായത്ത് പ്രസിഡന്റ് സി. കെ. ഫസല്, ഗ്രാമപഞ്ചായത്ത് പ്രസിഡന്റ് സി. വി. സജിത്ത് ഉള്പ്പെടെയുള്ള ജനപ്രതിനിധികള്ക്ക് സ്വീകരണം നല്കും.
കരുണ്യ പ്രവര്ത്തന രംഗത്തെ സേവനങ്ങള്ക്ക് അഡ്വ. ഷമീര് കുന്നമംഗലം, അക്കാദമിയുടെ ചീഫ് കോച്ച് സി. യൂസഫ്, ദീര്ഘകാലം ട്രഷററായി പ്രവര്ത്തിച്ച പി. ഹസ്സന് ഹാജി, വിദ്യാഭ്യാസ-കായിക രംഗത്ത് മികവ് തെളിയിച്ച പാറ്റേണ് വിദ്യാര്ത്ഥികള്, പരിശീലകര് എന്നിവരെയും ചടങ്ങില് ആദരിക്കും.
പരിപാടിയുടെ വിജയകരമായ നടത്തിപ്പിനായി വിവിധ കമ്മിറ്റികള് രൂപീകരിച്ചു. എന്. സുബ്രഹ്മണ്യന് ചെയര്മാനും സി. യൂസഫ് കണ്വീനറും പി. ശ്രീനു ട്രഷററുമായ സ്വാഗതസംഘമാണ് പ്രവര്ത്തനങ്ങള്ക്ക് നേതൃത്വം നല്കുന്നത്.
സ്വാഗതസംഘം രൂപീകരണ യോഗത്തില് പ്രസിഡന്റ് എന്. സുബ്രഹ്മണ്യന് അധ്യക്ഷത വഹിച്ചു. മുന് എം.എല്.എ യു. സി. രാമന്, ഖാലിദ് കിളിമുണ്ട, പി. നിധീഷ് കുമാര്, പി. ശ്രീനു, അബ്ദുറഹ്മാന് ഇടക്കുനി എന്നിവര് സംസാരിച്ചു. ജനറല് സെക്രട്ടറി സി. യൂസഫ് സ്വാഗതവും പ്രോഗ്രാം കമ്മിറ്റി കണ്വീനര് പി. എന്. ശശിധരന് മാസ്റ്റര് നന്ദിയും രേഖപ്പെടുത്തി.
രമേശ് ചെന്നിത്തല ശനിയാഴ്ച കാരന്തൂരിലെ പാറ്റേണ് വോളി അക്കാദമിയില്; ജനപ്രതിനിധികള്ക്കും കായിക-സാമൂഹിക രംഗങ്ങളില് മികവ് തെളിയിച്ച വ്യക്തികള്ക്ക് സ്വീകരണം
