സംസ്ഥാനത്ത് ഇന്ന് 84 പേര്ക്ക് കോവിഡ് സ്ഥിരീകരിച്ചു. ഇതോടെ ആകെ കോവിഡ് രോഗികളുടെ എണ്ണം 108ആയി ഇന്ന് 3 പേര് രോഗമുക്തി നേടി. രോഗം പിടിപെട്ട അഞ്ചു പേര് ഒഴികെ എല്ലാവരും സംസ്ഥാനത്തിനു പുറത്തുനിന്നു വന്നവരാണ്. 31 പേര് വിദേശത്തുനിന്നു വന്നവര്. 48 പേര് മറ്റ് സംസ്ഥാനങ്ങളില്നിന്ന്. സമ്പര്ക്കത്തിലൂടെ അഞ്ച് പേര്ക്കും രോഗംപിടിപെട്ടു.
കാസര്കോട് 18, പാലക്കാട് 16, കണ്ണൂര് 10, മലപ്പുറം 8, തിരുവനന്തപുരം 7, തൃശൂര് 7, കോഴിക്കോട് 6, പത്തനംതിട്ട 6, കോട്ടയം 3, കൊല്ലം, ഇടുക്കി, ആലപ്പുഴ എന്നിവിടങ്ങളില് ഒരാള്ക്കുമാണ് ഇന്ന് കോവിഡ് സ്ഥിരീകരിച്ചത്. മലപ്പുറം, കോഴിക്കോട്, കണ്ണൂര് എന്നിവടങ്ങിടങ്ങിലാണ് ഓരോരുത്തരുടെ പരിശോധന ഫലം നെഗറ്റീവായത്.
നിലവില് 526 പേരാണ് ചികിത്സയില് തുടരുന്നത്. 115297 പേരാണ് നിരീക്ഷണത്തിലുള്ളത്. 114305 പേര് വീടുകളിലും 992 പേര് ആശുപത്രികളിലുമാണ് നിരീക്ഷണത്തിലുള്ളത്. 210 പേരെ ഇന്ന് ആശുപത്രിയില് പ്രവേശിപ്പിച്ചു. ഇതുവരെ 60685 സാമ്പിളുകള് പരിശോധനയ്ക്കയച്ചു. ഇതില് 58460 എണ്ണം രോഗബാധയില്ലെന്ന് ഉറപ്പാക്കി.
ഇന്ന് പുതുതായി ആറ് പ്രദേശങ്ങളെ കൂടി ഹോട്ട്സ്പോട്ടായി പ്രഖ്യാപിച്ചു. കാസര്കോട് 3, പാലക്കാട് രണ്ട് പഞ്ചായത്തുകള്, കോട്ടയത്തെ ചങ്ങനാശ്ശേരി മുനിസിപ്പാലിറ്റി എന്നിവയാണ് പുതിയ ഹോട്ട്സ്പോട്ടുകള്. ഇതോടെ സംസ്ഥാനത്തെ ആകെ ഹോട്ട്സ്പോട്ടുകളുടെ എണ്ണം 82 ആയി ഉയര്ന്നു.
