രാജ്യത്ത് ആശങ്കയുണര്ത്തി കോവിഡ് 19 വൈറസ് രോഗബാധ. കഴിഞ്ഞ 24 മണിക്കൂറിനിടയില് രാജ്യത്ത് 6977 കോവിഡ് കേസുകള് റിപ്പോര്ട്ട് ചെയ്തു. 154 പേര് മരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം 1,38,845 ആയി ഉയര്ന്നു. കഴിഞ്ഞ് നാല് ദിവസമായി ആറായിരത്തിന് മുകളിലാണ് രാജ്യത്ത് പുതിയ കോവിഡ് കേസുകള് റിപ്പോര്ട്ട് ചെയ്യുന്നത്.
നിലവില് 77,103 പേരാണ് രാജ്യത്ത് ചികിത്സയിലുള്ളത്. 57,720 പേരുടെ രോഗം ഭേദമായി. 4021 പേരാണ് കോവിഡ് ബാധിച്ച് രാജ്യത്ത് മരിച്ചതെന്നും കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു
മഹാരാഷ്ട്രയില് കൊവിഡ് രോഗികളുടെ എണ്ണം 50,000 കടന്നു. ഞായറാഴ്ച 3,041 കേസുകള് കൂടി പുതുതായി റിപ്പോര്ട്ട്ചെയ്തതോടെ ആകെ രോഗികളുടെ എണ്ണം 50,231 ആയി. ഒറ്റ ദിവസം റിപ്പോര്ട്ട് ചെയ്യുന്ന ഏറ്റവും ഉയര്ന്ന നിരക്കാണിത്.
