കോഴിക്കോട്: അങ്കണവാടിയുടെ കോണ്ക്രീറ്റ് പാളി അടര്ന്നു വീണു. പുതിയപാലം ചുള്ളിയില് അങ്കണവാടിയുടെ മേല്ക്കൂരയുടെ കോണ്ക്രീറ്റാണ് അടര്ന്നു വീണത്. അങ്കണവാടിയില് കുഞ്ഞുങ്ങളും ടീച്ചറും എത്തുന്നതിനു മുന്പായിരുന്നു സംഭവം.
ടീച്ചര് എത്തി വാതില് തുറന്നപ്പോഴാണ് കോണ്ക്രീറ്റ് പാളികള് അടര്ന്നുവീണത് കണ്ടത്. ടീച്ചറുടെ കസേരയിലും മേശപ്പുറത്തും കുട്ടികള് ഇരിക്കുന്ന ഇടത്തുമെല്ലാം കോണ്ക്രീറ്റ് കഷ്ണങ്ങള് വീണു. കെട്ടിടത്തിന്റെ ശോചനീയാവസ്ഥ ചൂണ്ടിക്കാട്ടി പലതവണ കോര്പ്പറേഷനില് പരാതി നല്കിയെങ്കിലും ഈ പരാതിയൊന്നും അധികൃതര് ഗൗരവത്തില് എടുത്തില്ലെന്നാണ് ആരോപണം. കോഴിക്കോട് കോര്പറേഷനിലെ 35- ാം വാര്ഡിലാണ് അങ്കണവാടി സ്ഥിതിചെയ്യുന്നത്.
11 കുട്ടികളാണ് ഈ അങ്കണവാടിയില് പഠിക്കുന്നത്. കുട്ടികള് ഇല്ലാത്ത സമയമായതില് വലിയ അപകടമാണ് ഒഴിവായത്.
