ന്യൂഡല്ഹി: ഡല്ഹിയില് നാലുനില കെട്ടിടം തകര്ന്നുവീണുണ്ടായ അപകടത്തില് രണ്ട് മരണം. ഒരു സ്ത്രീയുടെയും പുരുഷന്റെയും മൃതദേഹങ്ങള് കെട്ടിടാവശിഷ്ടത്തിനടിയില് നിന്നും കണ്ടെടുത്തു. മൃതദേഹങ്ങള് ജിടിബി ആശുപത്രിയിലേക്ക് മാറ്റി. വടക്കുകിഴക്കന് ഡല്ഹിയില് ഇന്ന് രാവിലെ ഏഴുമണിയോടെയായിരുന്നു അപകടം.
14 മാസം പ്രായമുള്ള ഒരു ആണ്കുട്ടി, നാല് പുരുഷന്മാര്, മൂന്ന് സ്ത്രീകള് ഉള്പ്പെടെ എട്ട് പേരെ ഇതുവരെ അവശിഷ്ടങ്ങളില് നിന്ന് പുറത്തെടുത്തിരുന്നു. ഇവരെ ചികിത്സയ്ക്കായി ആശുപത്രിയില് പ്രവേശിപ്പിച്ചു. പത്ത് പേരടങ്ങുന്ന ഒരു കുടുംബം കെട്ടിടത്തില് താമസിച്ചിരുന്നതായി നാട്ടുകാര് പറയുന്നു. കൂടുതല് പേര് കെട്ടിടത്തിനടിയില് കുടുങ്ങിയതായി സംശയമുണ്ട്. അഗ്നി രക്ഷാസേനയുടെ ഏഴ് യൂണിറ്റുകള് സ്ഥലത്തെത്തി രക്ഷാപ്രവര്ത്തനം ഏകോപിപ്പിക്കുകയാണ്.
