ആലപ്പുഴ: തപാല് വോട്ടുകള് പൊട്ടിച്ച് തിരുത്തിയെന്ന സിപിഎം നേതാവ് ജി.സുധാകരന്റെ വെളിപ്പെടുത്തലില് തഹസില്ദാര് മൊഴിയെടുക്കുന്നു. അമ്പലപ്പുഴ തഹസില്ദാര് സുധാകരന്റെ വീട്ടിലെത്തിയാണ് മൊഴിയെടുക്കുന്നത്. സുധാകരനെതിരെ കേസെടുക്കണമെന്ന് മുഖ്യതെരഞ്ഞെടുപ്പ് കമ്മീഷണര് നിര്ദേശിച്ചിരുന്നു.
1989 ലെ ലോക്സഭ തെരഞ്ഞെടുപ്പില് സിപിഎം സ്ഥാനാര്ഥിക്ക് വേണ്ടിയാണ് തിരുത്തിയതെന്നായിരുന്നു മുതിര്ന്ന സിപിഎം നേതാവ് ജി.സുധാകരന്റെ വെളിപ്പെടുത്തല്. ഇതിന്റെ പേരില് തെരഞ്ഞെടുപ്പ് കമ്മീഷന് കേസെടുത്താല് പ്രശ്നമില്ലെന്നും സുധാകരന് പറഞ്ഞു. ആലപ്പുഴയില് എന്ജിഒ യൂണിയന് സംഘടിപ്പിച്ച പരിപാടിയിലായിരുന്നു വിവാദ പരാമര്ശം.
1989 ല് കെ.വി. ദേവദാസ് ആലപ്പുഴയില് എല്ഡിഎഫ് സ്ഥാനാര്ഥിയായി മത്സരിച്ചപ്പോള് ഇലക്ഷന് കമ്മിറ്റി സെക്രട്ടറിയായിരുന്നു ഞാന്.പോസ്റ്റല് ബാലറ്റ് ശേഖരിച്ച് സി പി എം ജില്ലാ കമ്മിറ്റി ഓഫീസില് കൊണ്ടുവന്നു. അവിടെ വെച്ച് ഞാനുള്പ്പടെയുള്ളവര് പോസ്റ്റല് വോട്ടുകള് പൊട്ടിച്ചു തിരുത്തിയിട്ടുണ്ട്.അന്നു സിപിഎം സര്വീസ് സംഘടനകളിലെ അംഗങ്ങളുടെ വോട്ടില് 15 ശതമാനം ദേവദാസിന് എതിരായിരുന്നു.അംഗങ്ങളുടെ പോസ്റ്റല് ബാലറ്റുകളില് 15 ശതമാനം മറിച്ചു ചെയ്തു.’സുധാകരന് പറഞ്ഞു.
