പന്തീര്‍പാടം തോട്ടുമ്പുറം വളവില്‍ ടാങ്കര്‍ ലോറിയുടെ ഓയില്‍ ലീക്കായ സ്ഥലത്ത് വീണ്ടും അപകടം. വാഹനങ്ങള്‍ തെന്നി വീണാണ് യാത്രക്കാര്‍ക്ക് വീണ്ടും പരിക്കേറ്റത്. ഇന്നലെ ഫയര്‍ ആന്‍ഡ് റെസ്‌ക്യൂ ഉദ്യോഗസ്ഥന്‍ ബാബു രാജിന്റെ നേതൃത്വത്തില്‍ എത്തിയ സംഘം പ്രദേശം വൃത്തിയാക്കി ഗതാഗത യോഗ്യമാക്കി. എന്നാല്‍ റോഡിലിട്ട ജെംസാന്റില്‍ തെന്നി രാത്രി വീണ്ടും അപകടമുണ്ടാവുകയായിരുന്നു. തുടര്‍ന്ന് മെമ്പര്‍ എം ബാബുമോന്റെ നേതൃത്വത്തില്‍ സ്ഥലം പരിശോദിക്കുകയും ഫയര്‍ ഫോഴ്‌സിനെ അറിയിക്കുകയും ചെയ്തു. തുടര്‍ന്ന്് ഫയര്‍ഫോഴ്‌സ് വെള്ളവും സോപ്പും ഉപയോഗിച്ച് റോഡ് കഴുകി വൃത്തിയാക്കുകയായിരുന്നു.
ലീക്കായ ഓയിലില്‍ തെന്നി വീണ്ടും അപകടം; ഫയര്‍ഫോഴ്‌സ് റോഡ് കഴുകി വൃത്തിയാക്കി
