രാജ്യത്ത് കോവിഡ് ബാധിതര് ഏറെയുള്ള ജില്ലകള് അടച്ചിടാന് കേന്ദ്രസര്ക്കാര് സംസ്ഥാനങ്ങള്ക്ക് നിര്ദേശം നല്കി. രാജ്യത്തെ 82 ശതമാനത്തിലധികം രോഗികളുമുള്ള 62 ജില്ലകള് അടച്ചിടാനാണ് തീരുമാനം. ഇതില് കേരളത്തിലെ ഏഴ് ജില്ലകളും ഉള്പ്പെടും.
തിരുവനന്തപുരം, പത്തനംതിട്ട, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് കേരളത്തില് നിയന്ത്രണം ഏര്പ്പെടുത്തേണ്ടി വരുക. ഇതുവരെ രാജ്യത്താകെ 274 ജില്ലകളില് കോവിഡ് കേസുകള് റിപ്പോര്ട്ട് ചെയ്തിട്ടുണ്ട്. മാര്ച്ച് 22നു ശേഷം മൂന്നിരട്ടിയായി ഇവിടുത്തെ രോഗികളുടെ എണ്ണം വര്ധിച്ചു. ഇതാണ് നിയന്ത്രണ പദ്ധതി കൊണ്ടുവരാന് സര്ക്കാരിനെ പ്രേരിപ്പിച്ചത്.
