കോഴിക്കോട്: വടകരയില് ഒമ്പത് വയസുകാരിയെ ഇടിച്ചിട്ട് നിര്ത്താതെ പോയ വാഹനം കണ്ടെത്തിയെന്ന് പൊലീസ്. അപകടം നടന്ന് ഒമ്പത് മാസത്തിന് മാസത്തിന് ശേഷം പൊലീസ് കണ്ടെത്തുന്നത്. പുറമേരി സ്വദേശിയായ ഷജീല് എന്ന ആള് ഓടിച്ച കാറാണ് ദൃഷാനയെ ഇടിച്ചതെന്ന് വടകര റൂറല് എസ്പി വാര്ത്താസമ്മേളനത്തില് പറഞ്ഞു. അപകടത്തിന് ശേഷം പ്രതി വാഹനം നിര്ത്താതെ പോയി. ഇയാള്ക്കെതിരെ കുറ്റകരമല്ലാത്ത നരഹത്യ ചുമത്തിയെന്നും പൊലീസ് പറഞ്ഞു. ഇന്ഷുറന്സ് ക്ലെയിം എടുത്തത് അന്വേഷണത്തിന് വഴിത്തിരിവായി. പ്രതി ഇപ്പോള് വിദേശത്താണെന്നും പൊലീസ് അറിയിച്ചു. കോഴിക്കോട് മെഡിക്കല് കോളേജില് ഒമ്പത് മാസമായി കോമ അവസ്ഥയില് തുടരുകയാണ് കുട്ടി.
വടകരയില് ഒമ്പത് വയസുകാരിയെ ഇടിച്ചിട്ടു കടന്നു കളഞ്ഞു; വാഹനം കണ്ടെത്തിയെന്ന് പോലീസ്; പ്രതി വിദേശത്ത്; ഇന്ഷുറന്സ് ക്ലെയിം എടുത്തത് അന്വേഷണത്തിന് വഴിത്തിരിവായി; ദൃഷാന മോള് കോമയിലായിട്ട് 9 മാസം
