തിരുവനന്തപുരം: അരുണാചല് പ്രദേശിലെ ഹോട്ടല് മുറിയില് ദമ്പതികളേയും സുഹൃത്തിനേയും ദുരൂഹസാഹചര്യത്തില് മരിച്ച നിലയില് കണ്ടെത്തിയ സംഭവത്തില് കൂടുതല് തെളിവുകള് പുറത്ത്. മരിച്ച നവീന്റെ കാറില് നിന്ന് പൊലീസ് പ്രത്യേകതരത്തിലുള്ള കല്ലുകളും ചിത്രങ്ങളും കണ്ടെടുത്തു. ഇവരുടെ പക്കല് നിന്ന് കണ്ടെത്തിയ ഇ-മെയിലില് സൂചിപ്പിച്ചിട്ടുള്ള കല്ലുകളാണ് ഇവയെന്നാണ് കരുതപ്പെടുന്നത്.
‘ഡോണ്ബോസ്കോ’ എന്ന വിലാസത്തില് നിന്ന് ആര്യയ്ക്ക് വന്ന മെയിലിലാണ് ഈ കല്ലുകളെക്കുറിച്ച് പറയുന്നത്. ഈ മെയില് ഐഡിയെക്കുറിച്ചും പൊലീസ് അന്വേഷണം നടക്കുന്നുണ്ട്. ഡോണ്ബോസ്കോ എന്ന പേരില് ആര്യയ്ക്ക് സന്ദേശം അയച്ചത് നവീന് തന്നെയാണോ എന്നും സംശയമുണ്ട്. യാത്രാച്ചെലവിന് പണം ആവശ്യം വന്നപ്പോള് ആര്യയുടെ ആഭരണങ്ങള് വിറ്റതായും പൊലീസിന് വിവരം ലഭിച്ചു. ആര്യയുടെ മൃതദേഹത്തില് സ്വര്ണാഭരണങ്ങള് ഉണ്ടായിരുന്നില്ല.
ഏപ്രില് രണ്ടിനാണ് അരുണാചല് പ്രദേശില് ഹോട്ടല് മുറിയില് ആര്യയെയും സുഹൃത്തുക്കളും ദമ്പതികളുമായ നവീനെയും ദേവിയെയും മരിച്ച നിലയില് കണ്ടെത്തിയത്. ഏറെ ദുരൂഹതകളാണ് ഈ സംഭവത്തില് ഇപ്പോഴും നിലനില്ക്കുന്നത്.
