നരിക്കുനി; നരിക്കുനിയില് അധ്യാപകന് ആത്മഹത്യ ചെയ്തത് പൗരത്വ നിയമത്തെ കുറിച്ചുള്ള ഭീതി കൊണ്ടാണെന്ന് ബന്ധുക്കള്. ഇന്ന് രാവിലെയാണ് റിട്ടയേര്ഡ് അദ്ധ്യാപകനായ മുഹമ്മദലിയെ കിണറ്റില് മരിച്ച നിലയില് കണ്ടെത്തിയത്.
തന്റെയും പിതാവിന്റെയും എസ്.എസ്.എല്.സി സര്ട്ടിഫിക്കറ്റും മറ്റ് രേഖകളും നഷ്ടപ്പെട്ടതിനാല് ഇനി ഏറെ ബുദ്ധിമുട്ടേണ്ടി വരുമെന്ന് മുഹമ്മദലിയുടെ ആത്മഹത്യ കുറിപ്പില് പറയുന്നു. താന് മാത്രമല്ല വരും തലമുറയും ബുദ്ധിമുട്ടുമെന്നും കുറിപ്പിലുണ്ട്. ഇദ്ദേഹം പൗരത്വ നിയമത്തിനെതിരെ നടന്ന പ്രക്ഷോഭങ്ങളില് സജീവ സാന്നിദ്ധ്യമായിരുന്നതായും ബന്ധുക്കള് പറയുന്നു.
