കോഴിക്കോട്: കൊയിലാണ്ടിയില് ഓട്ടോറിക്ഷയും കാറും കൂട്ടിയിടിച്ച് ഓട്ടോറിക്ഷാ ഡ്രൈവര് മരിച്ചു. കൊരങ്ങാട് തെരുവില് എളവീട്ടില് ബൈജു (46) വാണ് മരിച്ചത്. ഇന്നലെ രാത്രി പത്ത് മണിയോടെ കൊയിലാണ്ടി 14ാം മൈലിന് സമീപമാണ് അപകടമുണ്ടായത്.
ഇവിടുത്തെ പെട്രോള് പമ്പില് നിന്ന് റോഡിലേക്കിറങ്ങുകയായിരുന്നു ഓട്ടോറിക്ഷ. ഈ സമയം കാര് വന്ന് ഓട്ടോയില് ഇടിക്കുകയായിരുന്നെന്ന് പൊലീസ് പറഞ്ഞു. ഓട്ടോയില് മറ്റ് യാത്രക്കാര് ഉണ്ടായിരുന്നില്ല.
