കോട്ടയം: മൈലപ്രയിലെ വായോധികനായ വ്യാപാരിയുടെ കൊലപാതകത്തില് പ്രത്യേക അന്വേഷണ സംഘത്തെ രുപീകരിച്ചു. പത്തനംതിട്ട എസ്പി വി അജിത്തിനാണ് അന്വേഷണത്തിന്റെ മേല്നോട്ടം. രണ്ട് ഡിവൈഎസ്പി മാര്ക്കാന് അന്വേഷണ ചുമതല നല്കിയിരിക്കുന്നത്.കൊലപാതകത്തിന് പിന്നില് വന് ആസൂത്രണം നടന്നതായി പ്രാഥമിക അന്വേഷണത്തില് കണ്ടെത്തിയിരുന്നു. മോഷണത്തിനിടെ ഉണ്ടായ കൊലപാതകമെന്നാണ് നിഗമനം. കൈകാലുകള് കെട്ടി, വായില് തുണി തിരുകിയ നിലയിലാണ് കടയ്ക്കുള്ളില് ജോര്ജ് ഉണ്ണുണ്ണിയുടെ മൃതദേഹം കണ്ടെത്തിയത്.
കടയില് നിന്ന് പണവും ജോര്ജിന്റെ കഴുത്തില് കിടന്ന മാലയും നഷ്ടപ്പെട്ടിട്ടുണ്ടെന്ന് പ്രാഥമിക പരിശോധനയില് പൊലീസ് കണ്ടെത്തി. കട പൊലീസ് സീല് ചെയ്തു. സ്ഥാപനത്തിലെ സിസിടിവി ഹാര്ഡ് ഡിസ്ക് കാണാതായിട്ടുണ്ട്.
