തിരുവനന്തപുരം: ഗവര്ണര്ക്കെതിരെ എസ്എഫ്ഐ രാജ്ഭവനിലേക്ക് നടത്തിയ മാര്ച്ചില് സംഘര്ഷം. ബാരിക്കേഡ് മറികടന്ന പ്രവര്ത്തകര്ക്കെതിരെ പൊലീസ് ജലപീരങ്കി പ്രയോഗിച്ചു. എസ്എഫ്ഐ സെക്രട്ടറി ആര്ഷോ, പ്രസിഡന്റ് അനു ശ്രീ എന്നിവരടക്കമുള്ള പ്രവര്ത്തകരെ പൊലീസ് അറസ്റ്റ് ചെയ്ത് നീക്കി.
സര്വ്വകലാശാലകളെ സംഘപരിവാര് കേന്ദ്രങ്ങളാക്കാനുള്ള ഗവര്ണറുടെ നീക്കത്തിനെതിരെയായിരുന്നു വിദ്യാര്ത്ഥികളുടെ പ്രതിഷേധം. വിവിധ സര്വകലാശാല സെനറ്റുകളിലേക്ക് ആര്എസ്എസ് വക്താക്കളെ പരിഗണിക്കുന്നതില് പ്രതിഷേധിച്ച് ഇന്ന് സംസ്ഥാന വ്യാപക പഠിപ്പ് മുടക്ക് സമരം നടത്തുകയാണ് എസ്എഫ്ഐ.
