തെരഞ്ഞെടുപ്പ കഴിഞ്ഞ് ഏറെ ദിവസങ്ങള്ക്ക് ശേഷം മഹാരാഷ്ട്രയില് ബി.ജെ.പി – എന്.സി.പി സഖ്യ സര്ക്കാര്. ബി.ജെ.പിയുടെ ദേവേന്ദ്ര ഫഡ്നാവീസ് മുഖ്യമന്ത്രിയായി സത്യപ്രതിജ്ഞ ചെയ്തു. എന്.സി.പിയുടെ അജിത് പവാര് ഡെപ്യൂട്ടി മുഖ്യമന്ത്രിയായും സത്യപ്രതിജ്ഞ ചെയ്തു.
സര്ക്കാര് രൂപീകരണത്തിന് ചര്ച്ചകള് നടത്തി വന്നിരുന്ന ശിവസേന, എന്.സി.പി, കോണ്ഗ്രസ് പാര്ട്ടികള്ക്ക് വലിയ തിരിച്ചടി നല്കിക്കൊണ്ട് എന്.സി.പിയിലെ ഒരു വിഭാഗം ബി.ജെ.പിക്കൊപ്പം ചേരുകയായിരുന്നു.
ജനഹിതത്തിന് വിരുദ്ധമായി സംസ്ഥാനത്ത് ഭരണം നേടാനാണ് ശിവസേന ശ്രമിച്ചതെന്ന് ദേവേന്ദ്ര ഫഡ്നാവിസ് മാധ്യമങ്ങളോട് പറഞ്ഞു. ജനങ്ങള് ബി.ജെ.പിക്ക് വ്യക്തമായി ഭൂരിപക്ഷം നല്കി. എന്നാല് മറ്റു പാര്ട്ടികളുമായി ശിവസേന കൂട്ടുകൂടാന് ശ്രമിച്ചത് രാഷ്ട്രപതി ഭരണത്തിലേക്കാണ് സംസ്ഥാനത്തെ കൊണ്ടെത്തിച്ചതെന്നും ഫഡ്നാവിസ് പറഞ്ഞു.
