കുന്ദമംഗലം; ഏഷ്യാനെറ്റ് ന്യൂസും എസ്ബിഐ ലൈഫ് ഇന്ഷുറന്സും പാലക്കല് ഗ്രൂപ്പും ചേര്ന്ന് ചലഞ്ച് ക്യാന്സര് സെമിനാര് സംഘടിപ്പിച്ചു. പാലക്കല് പെട്രോളിയത്തിന് സമീപത്തായി തയ്യാറാക്കിയ വേദിയില് കുന്ദമംഗലം ഗ്രാമപഞ്ചായത്ത് പ്രസിഡന്റ് ലീന വാസുദേവ് അദ്ധ്യക്ഷത വഹിച്ചു. മിംസ് ഹോസ്പിറ്റലിലെ ക്യാന്സര് രോഗ വിദഗ്ദരായ ഡോക്ടര് സതീഷ് പത്മനാഭന്, ഡോക്ടര് സജ്ന കെ.ടി, മലബാര് ക്യാന്സര് സൊസൈറ്റി കണ്ണൂര് ഫൗണ്ടറും ചെയര്മാനുമായ ഡി. കൃഷ്ണനാഥപൈ, പാലക്കല് ഗ്രൂപ്പ് എം.ഡി കബീര്, എസ്ബിഐ ലൈഫ് ഇന്ഷുറന്സ് ഡിവിഷണല് മാനേജര് ആഷിഷ് ഫിലിപ്പ്, തുടങ്ങിയവര് പങ്കെടുത്തു.
ക്യാന്സര് പ്രോഗ്രാം കോര്ഡിനേറ്റര് എം.സിബ്ഗത്തുള്ള സ്വാഗതവും സാമൂഹ്യ പ്രവര്ത്തകനായ കായക്കല് അഷ്റഫ് നന്ദിയും പറഞ്ഞു. പിഎസ്എന് കമ്മ്യൂണിറ്റി കോളേജ് കുന്ദമഗലം, കുന്ദമംഗലം കോപ്പറേറ്റീവ് എഡ്യുക്കേഷണല് സൊസൈറ്റി കോളേജിലെ വിദ്യാര്ത്ഥികളും പൊതുജനങ്ങളും സെമിനാറില് പങ്കെടുത്തു. ചടങ്ങില് എം. സിബ്ഗത്തുള്ളക്ക് മികച്ച ക്യാന്സര് പ്രോഗ്രാം കോര്ഡിനേറ്റര്ക്കുള്ള അവാര്ഡ് നല്കി ആദരിച്ചു.
