എറണാകുളം: ആലുവയില് ആല്മരം ഒടിഞ്ഞ് ദേഹത്ത് വീണ് ഏഴ് വയസുകാരന് മരിച്ചു. ആലുവ യുസി കോളേജിന് സമീപമാണ് ആൽമരം ഒടിഞ്ഞ് വീണ് ഏഴ് വയസുള്ള കുട്ടി മരിച്ചത്. ആലുവ വെള്ളാം ഭഗവതി ക്ഷേത്ര പരിസരത്തുണ്ടായിരുന്ന ആൽമരത്തിന്റെ കൊമ്പ് ഒടിഞ്ഞ് വീണാണ് അപകടം. ഫുട്ബോൾ കളിച്ചുകൊണ്ടിരുന്ന കുട്ടികളുടെ മുകളിൽ മരത്തിന്റെ കൊമ്പ് ഒടിഞ്ഞ് വീഴുകയായിരുന്നു.
കരോട്ടുപറമ്പ് സ്വദേശി ഏഴ് വയസ്സുള്ള അഭിനവ് കൃഷ്ണയാണ് മരിച്ചത്. അഭിനവിനൊപ്പം കളിച്ചുകൊണ്ടിരുന്ന മൂന്ന് കുട്ടികൾക്കും പരിക്കേറ്റിട്ടുണ്ട്. കുട്ടിയെ ഉടന് തന്നെ സമീപത്തെ ആശുപത്രിയിലെത്തിച്ചെങ്കിലും മരിക്കുകയായിരുന്നു. സംഭവം നടന്ന സ്ഥലത്ത് ഇന്ന് തുടർച്ചയായ കാറ്റും മഴയും ഉണ്ടായിരുന്നു. ശക്തമായ കാറ്റ് വിശിയതോടെയാണ് മരത്തിന്റെ വലിയൊരു ഭാഗം ഒടിഞ്ഞു നിലത്ത് വീണത്.
