കുന്ദമംഗലം:കുന്ദമംഗലത്ത് മയക്ക് മരുന്ന് വിൽപ്പനയിൽ അന്വേഷണം ഊർജിതമാക്കി പോലീസ്. മയക്ക് മരുന്നിന്റെ ഉപയോഗം മൂലം ആത്മഹത്യക്ക് ശ്രമിച്ച വിദ്യാർത്ഥിനിക്ക് മാനസികമായ പ്രശനങ്ങൾ ഉണ്ടോയെന്ന് വിലയിരുത്താൻ സൈക്കോളജിസ്റ്റിന്റെ സഹായം തേടിയിരുന്നു. എന്നാൽ മയക്ക് മരുന്ന് തന്നവരുടെ പേര് വെളിപ്പെടുത്താൻ കുട്ടി തയ്യാറാകുന്നില്ല.
അതേസമയം പരീക്ഷ നടക്കുന്നത് കൊണ്ട് കുട്ടികൾക്ക് മാനസികമായ സംഘർഷം ഇല്ലാതെ അന്വേഷണം മുന്നോട്ട് കൊണ്ടുപോകാനുള്ള ശ്രമത്തിലാണ് പോലീസ്. നോർത്ത് അസിസ്റ്റന്റ് കമ്മീഷണർ സുദർശന്റെ നേതൃത്വത്തിൽ കുന്ദമംഗലം സിഐ യൂസഫ് നടത്തറമ്മൽ എസ് ഐ അഷറഫ് തുടങ്ങിയവർക്കാണ് അന്വേഷണ ചുമതല. മയക്ക് മരുന്ന് മാഫിയ വ്യാപകമായതിനാൽ കുന്ദമംഗലം ബസ്റ്റാൻഡ് പരിസരത്ത് രഹസ്യാന്വേഷണ വിഭാഗം പ്രത്യേക നിരീക്ഷണം ഏർപ്പെടുത്തുന്നു.
.
