കൂടുതല് കുട്ടികളുള്ള കുടുംബങ്ങള്ക്ക് ആനുകൂല്യങ്ങള് പ്രഖ്യാപിച്ച് പാലാ രൂപതയ്ക്ക് പുറമെ പത്തനംതിട്ട രൂപതയും.നാലിലധികം കുട്ടികളുള്ളവര്ക്ക് പ്രതിമാസം 2000 രൂപ വാഗ്ദാനം ചെയ്താണ് സിറോ മലബാര് സഭ പത്തനംതിട്ട രൂപതയുടെ സര്ക്കുലര്.രണ്ടായിരത്തിനുശേഷം വിവാഹിതരായ രൂപത അംഗങ്ങള്ക്കാണ് സഹായം ലഭിക്കുക. നാലാമത്തെ കുഞ്ഞിന് ജനനം മുതല് പ്രസവ ചെലവിലേക്കും സഭ സഹായം നല്കും. ഇത്തരം കുടുംബങ്ങളില് നിന്നുള്ളവര്ക്ക് സഭാ സ്ഥാപനങ്ങളില് ജോലിക്ക് മുന്ഗണനയും ലഭിക്കുക. കൂടുതല് കുഞ്ഞുങ്ങളെ സ്വീകരിക്കാന് ദമ്പതികളെ ഒരുക്കുന്നതിനു വേണ്ടിയാണ് പ്രോത്സാഹനം എന്ന് രൂപത അധ്യക്ഷന് ഡോ. സാമുവേല് മാര് ഐറേനിയോസ് സര്ക്കുലറില് പറഞ്ഞു.നേരത്തെ പാലാ രൂപത സമാനമായ ആനുകൂല്യപ്രഖ്യാപനവുമായി രംഗത്തെത്തിയതും വലിയ വിവാദമായിരുന്നു.2000ത്തിന് ശേഷം വിവാഹിതരായ അഞ്ചു കുട്ടികളില് കൂടുതല് ഉള്ള കുടുംബത്തിന് 1500 രൂപ പ്രതിമാസം സാമ്പത്തിക സഹായം നല്കുമെന്നാണ് പാലാ രൂപതയുടെ പ്രഖ്യാപിച്ചത്.
ഒരു കുടുംബത്തില് നാലാമതായും തുടര്ന്നും ജനിക്കുന്ന കുട്ടികള്ക്ക് പാലയിലെ സെന്റ് ജോസഫ് കോളേജ് ഓഫ് എന്ജിനീയറിംഗ് ആന്ഡ് ടെക്നോളജിയില് സ്കോളര്ഷിപ്പോടെ പഠനവും വാഗ്ദാനം ചെയ്തിട്ടുണ്ട്.
