കൊച്ചി: ബാബരി മസ്ജിദ് കേസിലെ വിധിയിൽ പ്രതികരണവുമായി പി കെ കുഞ്ഞാലിക്കുട്ടി.
വിധി നിര്‍ഭാഗ്യകരമെന്നും പള്ളി അക്രമമാര്‍ഗത്തിലൂടെ തകര്‍ത്തതാണെന്നും അവിടെ ഈ പ്രതികളുടെ മുഴുവന്‍ സാന്നിധ്യമുണ്ടായിരുന്നെന്നും അവര്‍ ആരും തന്നെ ഇത് തടയാന്‍ ശ്രമിച്ചില്ലെന്നത് ലോകം മുഴുവന്‍ കണ്ടതാണെന്നും അദ്ദേഹം പറഞ്ഞു.
‘സുപ്രീം കോടതി ബാബരി മസ്ജിദ് തകര്‍ത്തതാണെന്ന് വളരെ വ്യക്തമായി പറഞ്ഞതാണെന്നും. അന്വേഷണ ഏജന്‌സി കുറ്റക്കാരെ പോയിന്റ് ഔട്ട് ചെയ്തതാണ്. എന്നിട്ട് ഇപ്പോള്‍ എല്ലാവരേയും വെറുതെ വിട്ട് വിധി വന്നിരിക്കുന്നു. ഒരിക്കലും ഇത് പ്രതീക്ഷിച്ചിട്ടില്ലയെന്നും അദ്ദേഹം പറഞ്ഞു
ബാബരി മസ്ജിദ് തകര്‍ത്തിട്ടേയില്ല എന്ന് പറയുന്നതിന് തുല്യമായ വിധിയാണ് കോടതി പുറപ്പെടുവിച്ചതെന്നും അദ്ദേഹം പറഞ്ഞു.
