കുന്ദമംഗലം: ആദിവാസി കുട്ടികൾക്ക് സൗജന്യമായി സ്കൂൾ കിറ്റുമായി വീണ്ടും സദയം ചാരിറ്റബിൾ ട്രസ്റ്റ്.വയനാട് സത്യസായി സേവാ സമിതിയുയായി സഹകരിച്ച് അമ്പലവയൽ ചീനപ്പുല്ല് കോളനിയിലെ കുട്ടികൾക്കാണ് കിറ്റ് നൽകുന്നത്. ആഗസ്റ്റ് 4 ന് ഉച്ചക്ക് 2 ന് ആണ്ടൂർ ചീന്നപ്പുല്ല് അഗ്രോ ക്ലിനികിൽ വെച്ചാണ് പരിപാടി.
കേരള ഗോത്ര വിഭാഗവും തമിഴ് വംശജരും പാർക്കുന്ന കോളനിയാണ് ചീനപ്പുല്ല്. സദയത്തിന്റെ ഒരു വൃക്ഷത്തൈയും പുസ്തകസഞ്ചിയം പദ്ധതി പ്രകാരമാണ് കിറ്റ് വിതരണം .സ്നേഹമീ കുപ്പായം പദ്ധതി പ്രകാരം വസ്ത്രങ്ങളും ജീവാമൃതം പദ്ധതി പ്രകാരം മരുന്നും വിതരണം ചെയ്യും.
കിറ്റും വസ്ത്രങ്ങളും സ്പോൺസർ ചെയ്യാനും വിവരങ്ങൾക്കും ഫോൺ: 8714402520, 94956 142 55.
ഒമ്പതാം വർഷത്തിലേക്ക് കടക്കുന്ന സദയം ചാരിറ്റബിൾ ട്രസ്റ്റ് ഈ വർഷം മൂന്നാം തവണയാണ് ദുരിതമനുഭവിക്കുന്ന കുട്ടികൾക്കായി സ്കൂൾ കിറ്റ് നൽകുന്നത്. കോഴിക്കോട് ജില്ലയിൽ നിന്ന് തെരഞ്ഞെടുക്കപ്പെട്ടവർക്ക് കുന്ദമംഗലത്തും വയനാട്ടിൽ ഒഴലക്കൊല്ലി കോളനിയിലും നേരത്തെ കിറ്റ് നൽകിയിരുന്നു.
