കേരള വിദ്യാഭ്യാസ വകുപ്പിന്റെ ആഭിമുഖ്യത്തിൽ നടക്കുന്ന പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പെരിങ്ങൊളം ഗവണ്മെന്റ് ഹയർ സെക്കന്ററി സ്കൂളിലെ യു പി വിഭാഗം രക്ഷിതാക്കൾക്കായി ബോധവത്കരണ പരിപാടി നടത്തി. വിദ്യാഭ്യാസ വകുപ്പ് മന്ത്രി പ്രൊഫ : സി രവീന്ദ്രനാഥിന്റെ സന്ദേശം രക്ഷിതാക്കളെ കേൾപ്പിച്ചു. സ്കൂളിന്റെ ഈ വർഷത്തെ പ്രവർത്തന മികവുകൾ അവതരിപ്പിച്ചു.
ബോധവത്കരണ പരിപാടി പി ടി എ പ്രസിഡന്റ് ആർ വി ജാഫർ ഉദ്ഘാടനം ചെയ്തു. പി ടി എ വൈസ് പ്രസിഡന്റ് ലിനീഷ് വി പി അധ്യക്ഷം വഹിച്ചു. സ്കൂൾ ഇൻ ചാർജ് വി അഷ്റഫ്, സ്റ്റാഫ് സെക്രട്ടറി എ കെ മുഹമ്മദ് യുസുഫ് , പി അബ്ദുൽഗഫൂർ, നവീൻ എന്നിവർ പ്രസംഗിച്ചു.
പൊതു വിദ്യാഭ്യാസ സംരക്ഷണ യജ്ഞത്തെ പറ്റി ഹയർ സെക്കന്ററി വിഭാഗത്തിലെ അധ്യാപകൻ പി അബ്ദുറഹിമാൻ ക്ലാസ്സെടുത്തു.