ദിവസങ്ങളായ് നടത്തുന്ന രക്ഷാ പ്രവര്ത്തനങ്ങളും പ്രാര്ത്ഥനയും വിഫലം, തമിഴ്നാട്ടില് കുഴല്കിണറില് വീണ രണ്ടരവയസ്സുകാരന് സുജിത് വിത്സണ്് മരണത്തിന് കീഴടങ്ങി. വെള്ളിയാഴ്ച വൈകിട്ട് കുഴല്കിണറില് വീണ കുട്ടിയെ സമാന്തരകുഴിയെടുത്ത് രക്ഷിക്കാനുള്ള ശ്രമങ്ങള് എന്ഡിആര്എഫിന്റെ നേതൃത്വത്തില് നടന്നു വരികയായിരുന്നു. എന്നാല് കുഴല്കിണറില് നിന്ന് അഴുകിയ ഗന്ധം വന്നതിനെ തുടര്ന്ന് കുഞ്ഞ് മരിച്ചതായി സ്ഥിരീകരിക്കുകയായിരുന്നു.
വെള്ളിയാഴ്ച വൈകീട്ട് അഞ്ചരയോടെയാണ് ബ്രിട്ടോ – കലൈമേരി ദമ്പതിമാരുടെ ഇളയമകനായ സുജിത് 600 അടി താഴ്ചയുള്ള കുഴല്ക്കിണറിലേക്ക് വീണത്. ആദ്യം 25 അടി താഴ്ചയിലായിരുന്ന കുട്ടി ഘട്ടംഘട്ടമായാണ് 90 അടി താഴ്ചയിലെത്തിയത്. തുടര്ന്ന് നാലരദിവസമായി കൂട്ടിയെ ജീവനോടെ പുറത്തെടുക്കാനുള്ള ശ്രമങ്ങള് നടത്തുകയായിരുന്നു.പുലര്ച്ചെ 4.25 ഓടുകൂടിയാണ് കുട്ടിയുടെ മൃതദേഹം പുറത്തെടുത്തത്. പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടു കൊടുത്തു.
