ന്യൂഡല്ഹി: എസ്എഫ്ഐ നേതാവ് ഐഷി ഘോഷിന്റെ അറസ്റ്റിന് സ്റ്റേ. അടുത്ത വാദം കേള്ക്കുന്നത് വരെയാണ് ഐഷിയുടെ അറസ്റ്റ് പട്യാല ഹൗസ് കോടതി തടഞ്ഞത്. അറസ്റ്റ് നടപടികള് തടയണമെന്നും മുന്കൂര് ജാമ്യം അനുവദിക്കണമെന്നും ആവശ്യപ്പെട്ടാണ് ഐഷി ഘോഷ് കോടതിയെ സമീപിച്ചത്. 2021ല് രജിസ്റ്റര് ചെയ്ത കേസിലാണ് ഡല്ഹി പൊലീസ് ഐഷി ഘോഷിനെ അറസ്റ്റ് ചെയ്യാന് ശ്രമിച്ചത്.
രണ്ട് ദിവസം മുമ്പ് ഡല്ഹി എകെജി ഭവനിലെത്തിയ ഡല്ഹി പൊലീസ് ഐഷിയെ അറസ്റ്റ് ചെയ്യാന് ശ്രമിച്ചിരുന്നു. എന്നാല് ജോണ് ബ്രിട്ടാസ് എംപിയുടെ നേതൃത്വത്തില് പൊലീസിനെ തടഞ്ഞ് തിരിച്ചയക്കുകയായിരുന്നു. യൂണിഫോം ധരിക്കാതെയായിരുന്നു ഡല്ഹി പൊലീസ് എത്തിയത്. സിജെപി സമരത്തില് ശക്തമായ സാന്നിധ്യമായിരുന്നു ഐഷി ഘോഷ്. ഇതിന് പിന്നാലെയാണ് ഐഷിയെ അറസ്റ്റ് ചെയ്യാനുള്ള നീക്കം ഡല്ഹി പൊലീസ് ശക്തമാക്കിയത്.
