സംസ്ഥാമത്ത് സമ്പര്ക്കത്തിലൂടെ കൂടുതല് രോഗബാധ കണ്ടെത്തിയ പ്രദേശങ്ങളില് നിയന്ത്രണങ്ങള് കടുപ്പിക്കാന്് സംസ്ഥാന സര്ക്കാരിന്റെ തീരുമാനം. തിരുവനന്തപുരത്ത് രാത്രികാല കര്ഫ്യൂ ഇന്ന് മുതല് ശക്തമാക്കും. എല്ലാ പ്രധാന റോഡുകളിലും കര്ശന പരിശോധന നടത്തും. കെഎസ്ഇബിയുടെ തിരുവനന്തപുരം തിരുമല ക്യാഷ് കൗണ്ടര് ഇനി ഒരു അറിയിപ്പ് ഉണ്ടാകുന്നത് വരെ പ്രവര്ത്തിക്കില്ല.
മലപ്പുറത്ത് രോഗികള് കൂടിയതിന്റെ അടിസ്ഥാനത്തില് എടപ്പാളിലെ ദേശീയപാതയിലൂടെ പോകുന്ന വാഹനങ്ങള് അരമണിക്കൂറില് കണ്ടെയ്ന്മെന്റ് സോണ് കടക്കണം. ഇടയ്ക്ക് വാഹനം നിര്ത്തി ആളിറങ്ങാന് അനുമതിയില്ല.
മലപ്പുറം സ്വദേശിക്ക് രോഗം സ്ഥിരീകരിച്ചതിനെ തുടര്ന്ന് ഇന്നലെ കെഎസ്ആര്ടിസി ഡിപ്പോ അടച്ചിരുന്നു. ബസുകളും ഡിപ്പോയും അണുവിമുക്തമാക്കി. കണ്ടക്ടറുമായി സമ്പര്ക്കത്തിലായ ജീവനക്കാരും യാത്രക്കാരും ഇപ്പോള് നിരീക്ഷണത്തിലാണ്. തൃശൂരില് ഇതര സംസ്ഥാനത്ത് നിന്നെത്തിയ രണ്ട് ബിഎസ്എഫ് ജവാന്മാരും ചാലക്കുടി നഗരസഭാംഗവും ഉള്പ്പെടെ 17 പേര്ക്കാണ് ഇന്നലെ രോഗം സ്ഥിരീകരിച്ചത്.