കൊറോണ വൈറസ് വ്യാപനത്തില് ലോകാരോഗ്യ സംഘടന വൈറസ് വ്യാപനത്തിന്റെ അപകടസാധ്യത ഏറ്റവും ഉയര്ന്ന നിരയിലേക്ക് ഉയര്ത്തി.
ഇതുവരെ കൊറോണ വൈറസ് ബാധിച്ച് മരിച്ചവരുടെ എണ്ണം 2800 കടന്നെന്നാണ് ലോകാരോഗ്യ സംഘടനയുടെ റിപ്പോര്ട്ട്. മരിച്ചവരിലേറെയും ചൈനയിലെ ഹുബൈ പ്രവിശ്യയില് നിന്നുള്ളവരാണ്. എന്നാല് ദിവസേന കൊറോണ ബാധ സ്ഥിരീകരിക്കുന്നവരുടെ എണ്ണത്തില് കുറവുണ്ടായതായി ചൈന അറിയിച്ചു.
ഫ്രാന്സിലും പുതിയതായി 19 പേര്ക്കാണ് രോഗബാധ സ്ഥിരീകരിച്ചത്. ഐസ്ലന്ഡ്, മെക്സിക്കോ, ന്യൂസിലന്ഡ്, ബെലാറസ്, നെതര്ലന്ഡ്സ് തുടങ്ങി ആറ് രാജ്യങ്ങളില് കൂടി ആദ്യ കൊറോണ ബാധ സ്ഥിരീകരിച്ചു. ഇറാനില് വ്യാഴാഴ്ച മാത്രം വൈറസ് ബാധിച്ച് മരിച്ചത് 210 ഓളം പേരാണെന്നാണ് ആരോഗ്യരംഗത്ത് നിന്നുള്ള വിവരം. ഇത് ഔദ്യോഗിക സര്ക്കാര് കണക്കുകളേക്കാള് ആറിരട്ടി കൂടുതലാണ്.