രാജ്യത്ത് 24 മണിക്കൂറിനിടെ 18,885 പുതിയ കേസുകള് കൂടി റിപ്പോര്ട്ട് ചെയ്തു ഇതോടെ ഇന്ത്യയിലെ ആകെ കോവിഡ് ബാധിതരുടെ എണ്ണം 1,07,20,048 ആയി. ദിനംപ്രതിയുള്ള രോഗികളുടെ എണ്ണത്തില് കഴിഞ്ഞ ദിവസത്തേക്കാള് ഏഴായിരത്തിലധികംകേസുകളുടെ വലിയ വര്ധനവാണ് രേഖപ്പെടുത്തിയിട്ടുള്ളത്. ആരോഗ്യമന്ത്രാലയം പ്രസിദ്ധീകരിച്ച കണക്കനുസരിച്ച് 163 മരണം കോവിഡ് മൂലം ഇരുപത്തിനാല് മണിക്കൂറിനിടെ സ്ഥിരീകരിച്ചു. ഇതോടെ ഇന്ത്യയിലെ കോവിഡ് മരണസംഖ്യ 1,54,010 ആയി. 29,28,053 പേര് ഇതുവരെ കോവിഡ് വാക്സിന്റെ ആദ്യ ഡോസ് സ്വീകരിച്ചു. 20,746 പേരാണ് ഇരുപത്തിനാല് മണിക്കൂറിനിടെ രോഗമുക്തി നേടിയത്. ഇതോടെ ആകെ രോഗമുക്തി നേടിയവരുടെ എണ്ണം 1,03,94,352 ആയി. നിലവില് രാജ്യത്ത് സജീവരോഗികളുടെ എണ്ണം 1,71,686 ആണ്.
